1 мин

Эзэндээ хаягдсан ч эргэж очихын тулд 200 км замыг туулсан үнэнч нохой

Ub.life 2019.07.23 18 1 1

770

Мару гэх нэртэй нохой эзэн дээрээ очихын тулд 200 гаруй км тайгыг хөндлөн гулд туулсан байна. 

Кроснаярск хотод амьдардаг түүний эзэн Маруг анх таван сартай байхад нь Новосибирск хотоос амьдардаг хүнээс үрчилж авчээ. Гэтэл зургаан сарын дараа нохойн харшилтай гэдгээ олж мэдээд түүнийг буцаахаас өөр аргагүй болсон байна. Харин Мару Ачинск хотын ойролцоо ирэх үед галт тэрэгнээсээ үсрэн буужээ. 

Үүнийг мэдсэн төмөр замын ажилчид болон хуучин эзэн Алла Морозова нар хамтран "The Novosibirsk Time" сайтад мэдээлэл өгч, олон нийтийн сүлжээгээр Маруг хайж олох кампанит ажлыг эхлүүлжээ. Гэтэл түүнийг зугтсанаас хойш гурав өдрийн дараа Маругийн амьдарч байсан гэрийн ойролцоох үйлдвэрийн орчимд айж, шархадсан нохой олдсон гэх мэдээлэл ирсэн байна. Мэдээллийн дагуу шалгаж үзэхэд савар нь гэмтэж шархадсан Мару нүдэндээ нулимстай хэвтэж байжээ. 

Хуучин эзэн нь Маруг баавгай, чонын хоол бололгүй амьд эргэж ирсэнд баяртай байна хэмээгээд түүнийг үрчилж авсан ч алга болох үед нь хамт хайлцахаас татгалзсан хүнд бухимдаж байгаагаа илэрхийлжээ.  

Одоогоор Мару төрсөн газар болох Новосибирск хотод гэр бүлийн бусад гишүүтэйгээ хамт амьдарч байгаа бөгөөд цаашид аль эзэндээ очих нь тодорхойгүй байгаа аж. 

Бэлтгэсэн С.Содбилгүүн

Ub.life 2019.07.23

770