1 мин
Фэйсбүүк мессенжерээр явуулсан зурвасаа 10 минутын дотор устгах боломжтой болно
Б.Саруул
6 
3 
1 
Хүн бүхэнд л илгээх товчийг дармагцаа “Дэмий зүйл хийчихлээ дээ” гэж харамсах, ичих, санаа зовох үе байдаг шүү дээ.
Тэгвэл Фэйсбүүк мессенжерийн хэсэгт тун удахгүй “Remove for everyone” тохиргоо нэмэгдэх гэж байгаа тухай Techcrunch сайт мэдээлжээ. Өөрөөр хэлбэл, хэрэглэгч зурвас илгээснээс хойш 10 минутын дотор уг зурвасыг устгах боломжтой болох юм байна. Илгээсэн зурвас дээр дарахад “Remove for you” эсвэл “Remove for everyone” гэсэн хоёр тохиргооноос сонгох гэнэ. Хэрэв та эхний тохиргоог сонговол зурвас зөвхөн таны инбоксоос устгагдана. Харин хоёр дахь тохиргоог сонговол зурвас бүх хүний инбоксоос (групп чат руу илгээсэн тохиолдолд) устгагдах аж. Хамгийн чухал нь хүлээн авагч уншихаас өмнө урьтаж устгах хэрэгтэй бөгөөд хэрэв зурвасыг илгээсэн даруйд хүлээн авч уншсан бол буцаах боломжгүй гэсэн үг юм.
Дашрамд дурдахад өнгөрсөн жилийн дөрөвдүгээр сараас эхлэн Фэйсбүүк мессенжерт “unsend” функц нэвтрэх тухай яриа гарч эхэлсэн юм. Techcrunch сайтын мэдээлснээр өнгөрсөн аравдугаар сараас эхлэн Фэйсбүүк компани урьдчилсан туршилтууд хийж эхэлжээ.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
О.Анхзаяа