2 мин

Финландын хамгийн залуу ерөнхий сайд Санна Марины тухай 5 баримт

Б.Саруул 2019.12.09 1

13

Финландын эрх баригч Социал Демократ нам өчигдөр хуралдаж, 34 настай Санна Мариныг Финландын ерөнхий сайдаар томиллоо. Санна Марин нь Финландын гурав дахь эмэгтэй Ерөнхий сайд, эл албанд томилогдсон дэлхийн хамгийн залуу улс төрч боллоо.  

Дашрамд дурдахад, арванхоёдугаар сарын 12,13-нд Бельгийн нийслэл Брюссель хотноо Европын Холбооны удирдагчдын ээлжит уулзалт болох тул Финландын хууль тогтоогчид тэрнээс өмнө Санна Марины Засгийн газрын албан ёсоор томилно гэж ажиглагчид мэдээлж байна. Ингээд хамгийн залуу ерөнхий сайд Санна Маринтай холбоотой баримтуудыг хүргэе.

1. Санна Марин 1985 онд Хельсинки хотод төрсөн бөгөөд ижил хүйстэн гэр бүлд өсчээ. Марин ижил хүйстэн ээжтэйгээсээ болж нийгмийн ялгаварлалд өртөж байсан тухайгаа хэвлэлд ярьж байжээ. Өдгөө тэрбээр нөхөр, хүүхдийн хамт амьдардаг аж. 

2. Тэрбээр 2012 онд Тампере Их сургуульд удирдлагын шинжлэх ухааны чиглэлээр баклаврын зэргээ хамгаалжээ. 

3. Санна Марин 27 настайдаа анх орон нутгийн сонгуульт албан тушаалд сонгогдсоноор улс төрд хөл тавьсан бөгөөд 2015 оноос парламентийн гишүүний албыг хашиж байгаа юм. Санна Марин өнгөрөгч зургаадугаар сард Финландын Тээвэр, харилцаа холбооны сайдаар томилогджээ.

4. Сонирхолтой нь, Финландын одоогийн засгийн газар таван намын эвслээс бүрдэж байгаа бөгөөд тавуулаа эмэгтэй намын даргатай юм байна. Мөн тэдний гурав нь 35-аас доош настай залуухан улс төрчид аж. Тодруулбал, Зүүний холбоог тэргүүлэгч Ли Андерсон 32 настай, Ногоон холбооны тэргүүлэгч Мария Охисало 34 настай, Төв намын Катри Кулмани 32 настай, Шведийн Ардын намын дарга Анна-Мажа Хенрикссон 55 настай юм байна. 

Finland’s government is now led by these five party leaders. #newgeneration pic.twitter.com/vis0qB9tO8

— Tuomas Niskakangas (@TNiskakangas) December 8, 2019

5. Өнгөрсөн арваннэгдүгээр сард Финландын төрийн өмчит "Пости" шуудангийн компанийн ажилчид хоёр долоо хоногийн ажил хаялт зарлажээ. Улмаар энэ нь бусад салбарынхныг ажил хаяхад нөлөөлсөн байна. Финландын Үйлдвэрчний эвлэлийн мэдээлснээр, ажил хаялтын уршгаар компаниуд 550 сая долларын алдагдал хүлээгээд байна гэжээ. Дээрх нөхцөл байдал нь өнгөрөгч зургаадугаар сард томилогдсон ерөнхий сайд Антти Риннег огцроход нөлөөлсөн юм. Сонирхолтой нь, Финландын одоогийн засгийн газар таван намын эвслээс бүрдэж байгаа бөгөөд тавуулаа эмэгтэй намын даргатай юм байна. Мөн тэдний гурав нь 35-аас доош настай залуухан улс төрчид аж.

Б.Саруул 2019.12.09

13