1 мин

Гаа л хийж багтахуйц жижиг цүнх загварын ертөнцийг шуугиулж бна

Загвар зохион бүтээгч Jacquemus-ийн бүтээсэн алгын чинээ энэ цүнхэд төлбөрийн карт ч багтах зайгүй.

Ub.life 2019.03.06 3 1 1

143

Парисын загварын долоо хоногийн хамгийн том шуугиан нь хамгийн жижиг энэ цүнх байсан юм. “Jacquemus Mini Le Chiquito” загварын 5.2 см урттай энэ цүнхэнд төлбөрийн карт ч багтахгүй, ердөө алгын чинээ хэмжээтэй гэж болно. Харин уг цүнхний эх загвар “Le Chiquito” өнгөрсөн жил худалдаанд гарсан бөгөөд 12*6 см хэмжээтэй юм. Энэ цүнхийг 500 доллараар худалддаг бол дээрх мини загварын үнэ хараахан тодорхой болоогүй байна. 

Мини цүнхэнд чухам юу хийж явах ёстойг гайхсан хүмүүс сошиал сүлжээгээр шоглоод эхэлжээ. Нэг ширхэг гаа хийх үү, USB диск багтах уу, эсвэл зүгээр л барьж “рекламдах" уу гээд олон асуулт байна. Загварын “Dazed” сэтгүүл харин уг цүнхийг хачирхалтай загвар боловч бидэнд таалагдлаа гэсэн бол “Elle” сэгтүүлийнхэн Airpod чихэвчээ хийхээс өөр сонголтгүй юм байна гэжээ. 

"Jacquemus" брэндийг үүсгэн байгуулагч Саймон Портэ одоо 29 настай бөгөөд Парисын загварын долоо хоногт ямартай ч ийнхүү нэрээ тунхаглаж чадлаа. Түүний загварууд энэ мэтчилэн эсгүүр, хэмжээгээр тоглосон хэлбэртэй бөгөөд өмнө нь асар том хэмжээтэй цүнхнүүд эсвэл том хэмжээтэй сийрсэн малгайг бариу даашинзтай хослуулах гэхчлэн олон янзын загвараа танилцуулж байсан юм. 

Ub.life 2019.03.06

143