1 мин

“Гэрэг фэйшн” сэтгүүлийн шинэ дугаар гарлаа

Э.Намуун 2019.04.12 1

48

Улирал тутмын загварын салбарын гол үйл явдлыг багцлан хүргэдэг “Гэрэг Фэйшн” сэтгүүлийн энэ оны анхны дугаар танд хүрч байна. Тус дугаартаа бид уламжлалт ёсоор бүтээлч салбарынхны дуу хоолой болохоо урьтал болгон, график, лого дизайны төлөөлөл болсон уран бүтээлчдийг “Humans of Ulaanbaatar” буландаа урилаа. Бидэнд тулгардаг нийтлэг бэрхшээл, захиалагчийн ажлыг давуулан биелүүлэх, улмаар монгол дизайны цаашдын төлвийн талаар хүүрнэлдсэн бол хувцас урлалынхны дунд шинэ өнгө нэмэн гарч ирсэн “Zaya Tuvshinbat” брэндийн дизайнер Т.Заяаг онцолж, Австрийн сургуулиас сурснаа хэрхэн өөрийн ажилд тусгаж байгааг сонирхлоо.

Түүнчлэн онцгой авьяас чадвараараа бидний дунд хэдийнэ нэр хүндээ олсон гэрэл зурагчин Ё.Чанцалдуламын анхны бүрэн хэмжээний ярилцлагыг нийтэлж буйдаа баяртай байна. Редакцийн маань сонгож ажилласан бүтээлч зураг авалтууд, санал болгох шинэ кино, ном, подкаст булангууд хаврын хуйсагнуур өдрүүдэд хөг, өнгө нэмнэ хэмээн итгэнэм.

Эрхлэгч, арт директор З.Энхмөнх

Э.Намуун 2019.04.12

48