1 мин
Германд "хурууны бөх"-ийн барилдаан болжээ
Ж.Мөнхзул
3 
1 
Герман улсад нэгэн өвөрмөц тэмцээн зохиогдсон нь Бавари үндэсний хувцастай эрчүүдийн дунд болсон, герман хурууны бөхийн барилдаан (Fingerhakeln) юм.
Тус тэмцээнд жин болон насны ангилалгүй бөгөөд өрсөлдөгчид ширээний хоёр талаас бие биеийнхээ өөдөөс харан сууж, ганц хуруугаараа жижигхэн арьсан гогцоог таталцдаг байна.
Германы 60 дахь удаагийн аварга шалгаруулах тэмцээн тус улсын өмнөд хэсэгт байрлах Гармищ-Партенкирхен хотод зохиогджээ.
Бөхийн бусад төрлүүдийн нэгэн адил тамирчид асар их бэлтгэл хийх ёстой байдаг аж. Үүний тулд теннисний бөмбөгийг бяцалж, хүндийн туухайг ганц хуруугаараа өргөх зэргээр бэлтгэлээ базаадаг байна. Тухайн тамирчин ялалтад хүрэхийн ихээхэн өвдөлтийг даван туулдаг ажээ.
Тамирчид хуруугаа хугалах, зулгалах, мултлах нь тэмцээний үеэр элбэг тохиолддог гэнэ. Тус барилдаан нь Германы Бавари үндэстэн болон Австри улсын уламжлалт, үндэсний спорт юм. Анх хэдий үед үүссэн нь тодорхойгүй тус спорт нь дээр үед "маргаан шийдвэрлэх арга" байсан гэж судлаачид дүгнэдэг байна.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
М.Сугар-Эрдэнэ
О.Анхзаяа