1 мин

GOT: HBO цувралыг бүтээх үйл явцыг харуулсан 2 цагийн урттай баримтат кино цацахаар боллоо

Б.Саруул 2019.05.14

Бид найман жил үргэлжилсэн алдарт цувралын төгсгөлийг ирэх долоо хоногт үзэх нь. Төгсгөл ямар ч байлаа гэсэн үзэгчид цувралын уран бүтээлчдийн тайлбарыг сонсох боломж гарч байна. HBO компани "Хаан ширээний тоглоом" цувралын найман бүлгийг хэрхэн бүтээсэн, яагаад ийм төгсгөлд хүрэхээр шийдсэн тухай өгүүлэх “The Last Watch” нэртэй баримтат киног цацахаар болжээ.

Өчигдөр уг баримтат киноны трейлер цацагдсан бөгөөд хоёр цаг орчим үргэлжлэх тус кино тавдугаар сарын 26-нд үзэгчдийн хүртээл болох юм байна.

Дашрамд дурдахад, наймдугаар бүлгийн 1,2,4-р ангийг Дэвид Наттер (Өмнө нь "Улаан хурим" ангийг найруулж байсан) найруулсан бол Мигель Сапочник 3,5-р ангийг найруулжээ. Харин төгсгөлийн ангийг Д. Б Уайсс, Дэвид Бениофф нар хамтран найруулжээ. HBO цувралын сүүлийн бүлгийг зургаагаас олон ангитай хийх санал тавьсан ч Д. Б Уайсс, Дэвид Бениофф нар татгалзсан юм байна.