2 мин

GOT: Төгсгөлийн анги гарах өдөр хэд сая хүн ажлаа таслах вэ?

Б.Саруул 2019.05.16 6 2 2

293

Дэлхий нийтийг байлдан дагуулсан "Хаан ширээний тоглоом" цувралын төгсгөлийн анги тавдугаар сарын 19-нд цацагдах гэж байна. Найман жилийн турш цувралыг үнэнчээр үзэж ирсэн фэнүүдийн хувьд Төмөр сэнтийд хэн суухыг харах нь юу юунаас илүү чухал. 

Уг цуврал АНУ-д ням гарагийн үдэш 22 цагаас (зарим мужид 21 цагт) гарч байгаа бол Монгол, Австрали (баруун Австрали) зэрэг улсуудад даваа гарагийн өглөө 9 цагт гарч байгаа юм. "Кронос" институт ням гарагийн үдэш 80 минут үргэлжлэх цувралын төгсгөлийн ангийг үзсэн хүмүүс даваа гарагийн ажлаа хэрхэхийг тандсан судалгаа явуулжээ. 

Тус байгууллага "Absence is Coming" (Winter is Coming гэж байгаа юм шиг л сонсогдож байна   ) нэртэй судалгааг тавдугаар сарын 7-9-ний хооронд явуулсан бөгөөд судалгааны үр дүнгээс үзэхэд "Хаан ширээний тоглоом" цувралын төгсгөлийн анги гарах өдөр АНУ-д 27 сая хүн ажлаа таслах, хожигдож ирэх, бүтээмж муутай ажиллах магадлалтай байна гэжээ. Нарийвчилж үзвэл дээрх 27 сая хүнээс 10.7 сая нь даваа гарагийн ажлаа бүтэн тасална гэсэн тооцоо гараад байна. 

Түүнчлэн цагийн зөрүүнээс үүдэн шинэ ангийг даваа гарагийн өглөө, үүрээр үзэх Монгол, Австрали, Энэтхэг зэрэг орнуудын үзэгчид ажлаа таслах, хожимдох эсвэл ажлын цагаар цувралаа үзэх магадлал мөн л өндөр байгаа юм. Өмнө нь бид "Хаан ширээний тоглоом"-ын наймдугаар бүлэг эхэлсэнтэй холбогдуулан Австралид даваа гарагийн өглөө ажлаа тасалж буй хүмүүсийн тоо нэмэгдэж байгаа талаар мэдээлж байсан билээ. 

Дашрамд дурдахад, наймдугаар бүлгийн нэг ангийг ойролцоогоор 43 сая хүн үзэж байгаа ба энэ нь долоодугаар бүлэгтэй харьцуулахад 10 саяар нэмэгдсэн үзүүлэлт юм. 

Эх сурвалж: Mic.com

Яг одоо #GOT Бүлэг 8-ыг LookTV-ээр үзээрэй. HBO багц идэвхжүүлэхэд Бүтэн сарын турш ердөө 4’950₮.

Б.Саруул 2019.05.16

293