1 мин

Готик стилиэр нүүрээ будсан бүсгүйчүүдийг метронд суухыг хориглож, олны эгдүүцлийг хүргэв

Б.Саруул 2019.03.20 3 1 1

121

Хятадын Гуанжоу хотод метроны хамгаалалтын ажилтан нүүрээ бараан өнгөөр тод будсан бүсгүйг метронд оруулахаас татгалзаж, будгаа арилгасаны дараа суухыг шаардсан талаар Хятадын олон нийтийн сүлжээнд бичсэн байна. Бүсгүй ямар нэгэн хориглосон эд зүйлс биедээ авч яваагүй бөгөөд түүний будалт бусад зорчигчдыг "айлгаж", тав тухгүй болгож магадгүй гэж үзсэн учраас ийнхүү түүнийг саатуулсан гэнэ. 

Гэтэл энэ нь ганц удаагийн тохиолдол биш байж. Энэ явдлын дараа 'Weibo'-ийн хэрэглэгчид #ASelfieForTheGuangzhouMetro хаштагийг ашиглан өөрт тохиолдсон адил төстэй үйл явдлуудыг хуваалцаж эхэлсэн байна. Өөр нэг бүсгүй NetEase сайтад үүнтэй адил үйл явдал өмнө нь хоёр ч удаа болж байсан гэж бичжээ. Түүнчлэн автобусанд явж байхад ч нүүрний будгаа арилгахыг шаардсан тохиолдол гарсан гэж готик стиль сонирхдог бүсгүйчүүд ярьсан байна. 

"Намайг метронд явж байхад маш олон эвгүй зүйл тохиолдож байсан. Гэхдээ нүүрний будгаасаа болж хэзээ ч хүүхэд айлгаж байгаагүй" гэж Чунменг Динзи нэртэй хэрэглэгч бичжээ. 

Хэдийгээр метроны ажилтан албан ёсоор уучлал гуйсан ч иргэд ямар хувцас өмсөж, нүүрээ хэрхэн будах нь тэдний эрх чөлөө, үүнийг бүх нийтээрээ хүлээн зөвшөөрөх ёстой гэсэн сэтгэгдлийг хүмүүс олон нийтийн сүлжээнд ихээр бичиж байгаа аж. 

Б.Саруул 2019.03.20

121