1 мин

Хятад бензиний үнээ буулгалаа

М.Сугар-Эрдэнэ 2019.01.07

25

АНУ-тай хийсэн худалдааны дайнд өртөж, хямраад байгаа эдийн засгаа аврахын тулд Хятадын Засгийн газраас тав дахь удаагаа бензин, түлшний үнийг буулгаж байна.
"Синьхуа" агентлагийн мэдээлснээр энэ сарын 1-нээс 1 тонн бензиний үнэ 370, дизедь түлшний үнэ 355 юаниар хямдарчээ. БНХАУ-ын Хөгжил, шинэчлэлийн улсын хорооноос дэлхий дахинд нефтийн үнэ унасантай холбоотойгоор түлшний үнийг буулгасан гэж мэдээлсэн байна. Хятадад хэрэв түүхий нефтийн үнэ олон улсын зах зээлд 50 юаниар өөрчлөгдөж, ажлын 10 хоног хэвэндээ байвал тус хорооноос дотоодын зах зээлд үнийн өөрчлөлт явуулдаг дүрэмтэй.

Хятадын Ардын банк ч эдийн засгийн өсөлтийг дэмжих арга хэмжээ авч эхэлсэн байна. Юуны өмнө 10 сая хүртэлх юанийн зээлтэй компаниудыг бага бизнест багтаан тооцохоор болжээ. Ингэснээр жижиг, дунд бизнесийн салбарт 400 тэрбум юань оруулах боломж гарч байгаа юм.

М.Сугар-Эрдэнэ 2019.01.07

25