1 мин

Түүхэн дэх хамгийн баян хүн эхнэрээсээ салахаар шийджээ

CNN телевиз Безосыг хүн төрөлхтний түүхэн дэх хамгийн баян хүн хэмээн нэрлэсэн юм.

М.Сугар-Эрдэнэ 2019.01.10 8 3 1

11

"Amazon" компанийн үүсгэн байгуулагч Жефф Безос гэрбүлээ цуцлуулахаар шийдсэнээ зарлалаа. Тэрбумтан мэдэгдлээ Twitter хуудсаараа хийсэн байна.

Жефф Безос "Хэдий салсан ч бид сайн найзууд хэвээр үлдэнэ. Бие биенээ олсон нь бидний маш том аз завшаан байлаа. Хамт амьдарсан он жил болгондоо баярлаж явдаг" гэж бичжээ.

Жефф, Маккензи хоёр 25 жил хамт амьдарсан, 3 хүү, нэг өргөмөл охинтой. 2006 онд Маккензигийн бичсэн "The Testing of Luther Albright" ном Америкийн шилдэг номоор шалгарч байв.

Энэ сард "Amazon" дэлхийн хамгийн үнэтэй компанийн жагсаалтыг тэргүүлж, Безос өөрөө Forbes-ийн дэлхийн хамгийн баян хүний чансааг тэргүүлсэн. 2018 оны 10-р сарын байдлаар түүний хөрөнгө 128.1 тэрбум доллар байна. CNN телевиз Безосыг хүн төрөлхтний түүхэн дэх хамгийн баян хүн хэмээн нэрлэсэн юм.

М.Сугар-Эрдэнэ 2019.01.10

11