Хайх зүйлээ бичнэ үү

1 мин

Хотын даргын томилгоо шуударчээ

С.Амарсайхантай өрсөлдөх хамгийн хүчтэй кандидат Б.Мөнхбаатар Барилга, хот байгуулалтын дэд сайд болж, марафоныг орхисноор томилгоо гацаанаас гарав.


Улаанбаатар хотын захирагч, Нийслэлийн Засаг даргыг томилох асуудлаар НИТХ дахь МАН-ын бүлэг талцсаны улмаас Нийслэлийн ИТХ-ын Тэргүүлэгчид хуралдаж чадахгүй удаан завсарласны эцэст өнөөдөр хуралдав. Тэд Газрыг улсын тусгай хэрэгцээнд авах санал дэмжих тухай, Багахангай дүүргийн “Хөнгөн үйлдвэр технологийн парк”-ийн техник эдийн засгийн үндэслэл батлах тухай, НИТХ-ын ээлжит бус болон ээлжит хуралдааныг зарлах тухай асуудлыг хэлэлцлээ.

Тэргүүлэгчдийн 100 хувийн саналаар Багахангай дүүргийн “Хөнгөн үйлдвэр технологийн парк”-ийн техник эдийн засгийн үндэслэлийг баталж, эмнэлгийн болон бусад аюултай хог хаягдлын төвлөрсөн байгууламжийг Баянзүрх дүүргийн нутаг дэвсгэрт орших Цагаан давааны хогийн цэгт барихаар төлөвлөснийг Тэргүүлэгчид дараагийн хурлаар дахин оруулж ирэх үүрэг өгч буцаав.

Энэ удаагийн Тэргүүлэгчдийн хурлаар нийслэлийн Засаг даргыг томилох асуудлыг хэлэлцэх НИТХ-ын ээлжит бус VI хуралдааныг сарын 16-ны лхагва гаригт хуралдуулахаар товлож, тогтоол гаргалаа. Энэ нь МАН-ын Удирдах зөвлөл, нийслэлийн хорооноос нэрийг нь дараагийн мээрт дэвшүүлээд буй НИТХ-ын дарга С.Амарсайханыг баталгаажуулан хэлэлцэх НИТХ-ын хуралдаан болох учиртай юм. 

НИТХ дотор С.Амарсайханыг Д.Амарбаясгалан тэргүүтэй Ерөнхий сайд У.Хүрэлсүхийн фракц дэмжиж байгаа. Хотын даргын марафонд С.Амарсайхантай өрсөлдөх хамгийн хүчтэй кандидат “Эрдэнэс Оюутолгой” ХХК-ийн гүйцэтгэх захирал, “Оюутолгой” ХХК-ийн ТУЗ-ийн гишүүн Б.Мөнхбаатар замын дундаас Барилга, хот байгуулалтын дэд сайдаар томилогдов. Ийнхүү МАН-ын нийслэлийн хорооны дарга Д.Сумъяабазарын дэмжиж байсан гол өрсөлдөгч бялуугаа тохирсноор хотын даргын марафон НИТХ-ын төлөөлөгч С.Мөнхчулууныг эс тооцвол С.Амарсайхан гэх ганц дайчинтай үлдэж байна. НИТХ дахь гацаа ийн арилж, хотын даргын томилгоо шуударчээ. 

холбоотой мэдээ
1
11 цагийн өмнө
АН-аас улс төрийн шинэ нам тасарлаа
2
14 цагийн өмнө
Ажилгүйдлийг бууруулах зорилготой багц хуулиудыг ээлжит бус чуулганаар хэлэлцэнэ
3
4 өдрийн өмнө
Эвийг тэнцүүлэгч Н.Алтанхуяг өс атгав уу
санал болгох
1
11 цагийн өмнө
"Ажил хийх гоё" хөтөлбөрт амжиж бүртгүүлээрэй
2
14 цагийн өмнө
“Гүйж яваа эмэгтэй”
3
15 цагийн өмнө
У.Хүрэлсүх: Манай цэргүүд исгэрэх сум, тэсрэх бөмбөг алинаас ч бэргээгүй, няцаагүй, шан...

Энэ мэдээнд өгөх таны сэтгэгдэл?
2
0
0
0
1
0
0
1