"RIZIN" холбоо "Дахин сүмочидтой холбогдохгүй"
"RIZIN" холбоо бас сонирхож байгаа мэдээлэл гарсан ч тус холбооны тэргүүн Сакакибара Нобүюки үгүйсгэлээ.
Саяхан зодог тайлсан манай сүмоч Таканоивад Японы прорэслинг буюу мэргэжлийн бөхийн домог Оонита Ацүши урилга илгээсэн талаар бид мэдээлсэн билээ. Таканоиваг холимог тулааны "RIZIN" холбоо бас сонирхож байгаа мэдээлэл гарсан ч тус холбооны тэргүүн Сакакибара Нобүюки үгүйсгэлээ.
Хэвлэлийн бага хурлын үеэр сэтгүүлчид түүнээс Таканоивагийн талаар асуухад "RIZIN" холбооны тэргүүн Сакакибара Нобүюки "Манайх сүмо бөхөд асуудалтай болгоныг хүлээн авдаг газар биш. Заримдаа сүмог харахаар энэ үндэсний спорт гэж үү гэсэн бодол төрдөг. Зохион байгуулалтаа шинэчлэхгүй бол болохоо больсон газар бол Сүмогийн холбоо. Тийм болохоор л ийм хэрэг төвөг гарч байгаа юм. Хатуу чанга байх хэрэгтэй. Жолооны эрхгүй машин бариад хөөгдсөн Египетийн бөх Оосүнаарашиг холбоондоо аваад өнгөрсөн есдүгээр сард тэмцээнд оруулж, гэрээ байгууллаа. Тэгсэн яасан гэж бодож байна? Дахиад үнэмлэхгүй жолоо бариад цагдаад баривчлагдаж байгаа юм. Оосүнаарашид туслах сэтгэлээр гар сунгасан ч тэр огт тоосон шинжгүй бидний сэтгэл рүү ус цацсан. Дахин сүмочидтой холбогдох бодол байхгүй байгаа" гэжээ.
Монгол 2019.01.14 59.153.112.214
Энэ өөдгүй нөхрийг авах газар олдохгүй дээ зүгээр монголдоо ирж гахай хариул ахтайгаа нийлээд
0 0 Хариулах