Жирийн л нэг өндөг Кайли Женнерийг инстаграмд яллаа
Одооноос эхлэн "Инстаграмын хамгийн шилдэг зураг" хэргэмийг жирийн нэгэн өндөг зүүх боллоо.
Жирийн нэгэн өндөгний зураг инстаграмын хамгийн олон лайктай зургийн рекордыг эвджээ.
Инстаграмын world_record_egg хэмээх нэртэй хэрэглэгч профайлдаа ердөө ганцхан зураг оруулсан нь Гиннесийн номны рекорд амжилт тогтоогоод байна. Энэ нь жирийн нэг тахианы өндөг юм. Энэ сарын 4-нд world_record_egg инстаграм хэрэглэгчдэд Кайли Женнерийн хамгийн олон лайктай зурагны рекорд амжилтыг эвдэх уриалга гаргажээ. Уриалгыг дэмжсэн хүмүүс лайк дарсаар нэг мэдэхэд өндөг 25 сая лайк авсан байна.
Өмнөх рекорд болох Кайли Женнерийн хүүхдийн зураг 18 сая лайктайгаар Гиннесийн номонд бүртгэгдээд байсан юм.
Одооноос эхлэн "Инстаграмын хамгийн шилдэг зураг" хэргэмийг жирийн нэгэн өндөг зүүх боллоо. Өндөгний лайк таныг энэ мэдээг уншиж байхад ч мянгаар мянгаар нэмэгдсээр байна. Ямар ч хөөрхөн модель, алдартан байгаад энэ тоог давахад тун хэцүү билээ.