Хайх зүйлээ бичнэ үү

3 мин

Сергей Паушок "Газпромбанк"-ыг Монголын ЗГ-тай хуйвалдсан хэмээн шүүхэд өглөө

"Бид мөн үнэнч шудрага шүүхэд саад болсон Монголын авлигач прокуроруудын эсрэг эрүүгийн хэрэг үүсгэх болно" гэж мэдэгдсэн байна.


"Коммерсантъ" 15.01.2019

"Алтан Дорнод - Монгол" алтны компанийн эзэн асан Сергей Паушок "Газпромбанк" болон тус банкны топ менежерүүдээс 2.25 тэрбум доллар нэхэмжлэн, Нью-Йорк мужийн Дээд шүүхэд ханджээ. Паушок тус банкыг Монголын Засгийн газартай хуйвалдан, бизнесийг нь булаан авсан гэж буруутгаж байгаа юм. Сергей Паушок өмнө нь энэ асуудлаар шүүхдээд хэд хэдэн удаа ялагдал хүлээж байсан билээ.

"Газпромбанк", тус банкны дэд захирал Александр Муранов, үнэт металлын зах зээл хариуцсан захирал Олег Титаренко, асуудалтай актив хариуцсан хэсгийн ажилтан Владимир Протасов нарын эсрэг гаргасан Паушокын гомдлыг Нью-Йорк мужийн шүүх 2019 оны нэгдүгээр сарын 8-нд бүртгэн авсан байна. Паушок хөрөнгийг нь луйврын аргаар булаан авсан, хуурамчаар өр үүсгэсэн, сэтгэл санааны хохирол учруулсан хэмээн 2.25 тэрбум ам.доллар нэхэмжилжээ.

"Газпромбанк", Сергей Паушок нарын шүүхийн маргаан 2006 оноос эхтэй. 2006 онд Монголын Засгийн газар алтны компаниудад гэнэтийн ашгийн 68 хувийн татвар оноосон бөгөөд "Алтан Дорнод- Монгол" компани ч татвар төлөх болсон. Тэр үед тус компанийг Паушок гадаадын хөрөнгө оруулагчийн хувиар эзэмшиж байв. Жилийн дараа Паушок Монголын Засгийн газрын энэ шийдвэр түүнд 1.6 тэрбум долларын хохирол учруулсан гэж Стокгольмийн шүүхэд хандсан. Харин Монголын Засгийн газар хариуд нь тус компанийн данс, эд хөрөнгийг хураан авснаар компани үйл ажиллагаа явуулах боломжгүй болсон юм.

Ноён Паушок бизнесээ 23 сая ам,доллараар "Phoenix Sino Limited" компанид зарсан.

Стокгольмийн шүүхэд Паушок ялагдлаа. "Алтан Дорнод Монгол" компани 2006 онд Газпромбанкаас 30 сая долларын зээл аваад байв. Зээлийг Паушок, "Алтан Дорнод Сибирь" компанийн батлан даалтаар олгосон бөгөөд 2011 онд "Газпромбанк" энэ мөнгөө эргүүлж авах, мөн дээр нь 22.7 сая долларын нөхөн төлбөр авахаар ОХУ-ын Шүүхэд хандан ялалт байгуулсан юм. 2015 онд "Газпромбанк" авлагаа Монголын "Batbrothers" компанид зарсан байна. Паушокын хуульчид "Batbrothers" компанийг шудрага бус үйл ажиллагаа явуулсан хэмээн бас шүүхэд гомдол гаргасан байдаг.

Энэ удаагийн Нью-Йорк мужийн Дээд шүүхэд гаргасан шинэ заргадаа Паушок "Монголын Засгийн газрын гэнэтийн ашгийн шинэ татварын дараа "Газпромбанк"-ын төлөөлөгчид лиценз, тоног төхөөрөмжийг барьцаа болгон хадгалахад оролцоогүй, Монголын Засгийн газар бүх активийг хураан авсан тул олон тэрбум долларын бизнесээ 23 саяхан доллараар зарахаас өөр аргагүй болсон. "Газпромбанк" нь "Phoenix Sino Limited" компанийн захирал Т.Ганболдтой үгсэн хуйвалдаж, надаас 25 сая доллар луйвардан авах гэж оролдсон" гэж тайлбарлажээ. Мөн "Энэ луйвраа хэрэгжүүлэхийн тулд тэд "Batbrothers" хэмээх зохиомол компанийг ашигласан. "Batbrothers" нь Газпромбанкаас "Алтан Дорнод" компанийн өрийг нэхэх эрхийг худалдан авсан. Монголын "Batbrothers" компанийн ард "Газпромбанк" байгааг баталсан бүх баримт бидэнд байна. Бид мөн үнэнч шудрага шүүхэд саад болсон Монголын авлигач прокуроруудын эсрэг эрүүгийн хэрэг үүсгэх болно" гэж мэдэгдсэн байна.

"Газпромбанк" энэ талаар "АНУ-ын шүүхэд бидний эсрэг гомдол гаргасан гэсэн ямар нэг зүйл сонсоогүй байна. Сергей Паушокоос авах өрөө  "Batbrothers" компанид зарсан. Тус компани нь Сергей Паушок Монгол дахь бизнесээ зарсан эрхмийн компани. Нью-Йорк мужийн шүүх түүнийг 25 сая доллар төлөх ёстой гэсэн шийдвэрийг өмнө нь ч гаргаж байсан" гэж мэдэгдлээ.

Хамгийн их уншилттай
1
2024.03.17
“Монгол түйрэн” маргааш ирнэ гэж БНСУ-д анхааруулав
2
2024.03.09
Миягино дэвжээг хаах шийдвэр гарчээ
3
2024.03.11
“Оскар”-ын түүхэн дэх 13 эвгүй явдал
холбоотой мэдээ
1
8 цагийн өмнө
Тэтгэвэр, тэтгэмжийн хэмжээг 2024 оны 4 дүгээр сарын 1-ний өдрөөс нэмнэ
2
2024.03.18
Метроны зөвлөх үйлчилгээний тендерт 20 компани оролцож, саналаа ирүүлсэн байна
3
2024.02.29
Улаанбаатар хотод метро байгуулах олон улсын нээлттэй тендер зарлалаа
санал болгох
1
7 цагийн өмнө
Зүгээр л тухла | М Харилцагчийн төвийн онцлох 4 зүйл
2
Өчигдөр
Таны ордыг илэрхийлэх кинонууд: Melancholia, Suspiria, Bande à Part
3
Өчигдөр
Өнөө цагийн сэтгэл татам жүжигчдийн нэг Сидней Свинигийн тухай 19 баримт

Энэ мэдээнд өгөх таны сэтгэгдэл?
4
2
1
1
0
2
0
2

Сэтгэгдэл бичих (3)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.

Зочин 2019.01.16 202.55.188.43

Солиордог Орос вэ? Мөрөөрөө цагаачлахгүй хаа байсан нью Иоркийн шүүх . Тэр шүүх нь Орос Хятадыг даваад манай улсыг яллах юм гэнэ. Хуцдаг

0 Хариулах


Зочин 2019.01.16 64.119.21.123

Hezeenii haagdsan shiidber n Mongoliin zub haagdsan. Odoo yagaad suhuud bgaan bol kk.

0 Хариулах


Зочин 2019.01.16 121.6.158.228

Yag yaj orchuultsan yumbee, yuch oilgosongui

0 Хариулах