2 мин

Дэлхийг өөрчилж буй шилдэг 9 өсвөрийн манлайлагчдын өгөх зөвлөгөө

Тэд ердөө л өсвөр насны хүүхдүүд. Гэхдээ тэд том зорилготой.

О.Анхзаяа 2019.01.17

BBC дээр гарсан уг нийтлэл дээр дэлхийн технологийн ертөнцийг өөрчилж буй шилдэг өсвөр насныхан амьдралын үнэт зөвлөгөөнүүдийг хайрлажээ.

1. Хиллари Ийп, 13 настай, MinorMynas компанийн Ерөнхий захирал

Хамгийн чухал зүйл бол эхний алхмыг хийх. Зорилго чинь дааж давшгүй эсвэл биелэхэд хэтэрхий том мэт санагдаж болох ч зүгээр л хараад суугаад байх нь ямар ч өөрчлөлтийг авчрахгүй.

2. Эмбер Янг, 18 настай, SEER Tracker-ийг бүтээгч

Дэлхий ертөнцийг аналитикийн аргаар болон өөр өөр өнцгөөр хар. Ямар технологи одоо хамгийн түгээмэл, трэнд болж байна вэ гэж биш юу цаашид тийм байх боломжтой вэ гэдгийг л өөрөөсөө асуу.

3. Триша Прабу, 17 настай, ReThink-ийг үүсгэн байгуулагч

Заавал компьютерийн шинжлэх ухаанаар цааш ажиллах, ажиллахгүй нь гол биш. Код бичих чадвар, технологийн мэдлэг, програмчлах чадвар нь бүгд таны ирээдүйд хийх ямар ч ажилд хамгийн, бүр хамгийн хэрэгтэй чадварууд юм.

4. Деа Курти, 16 настай, Novel Girls-ийг үүсгэн байгуулагч

Хэрвээ төлөвлөгөө чинь бүтэхгүй байгаа бол төлөвлөгөөгөө өөрчил. Зорилгоо биш. Нөхцөл байдалд тааруулан ажиллаж, илүү холыг харж сурах хэрэгтэй.

Баруун талд зогсож байгаа нь Деа Курти.

5. Гитанжали Рао, 12 настай, Tethys-ийг үүсгэн байгуулагч

Асуудлыг шийдэх явцад та олон алдаа гаргасаар л байх болно. Тэднийг хүлээж аваад асуудлуудтай нүүр тул. Битгий бууж өг. Харин өөрчлөлт авчрах илүү том зорилго урд чинь байгаа гэдгийг байнга санаж яваарай.

6. Харшвардхансин Зала, 15 настай, дрон зохион бүтээгч

Маш олон хүн надад 'энэ чинь хийх боломжгүй зүйл' хэмээн хэлж, урмыг минь мохоодог байсан. Хэрвээ чи дэлхийг өөрчилмөөр байвал боломжгүй гэх даалгаврыг эхлээд барьж ав. Бусад хүмүүсийн хувьд боломжгүй байлаа гээд миний хувьд ч бас боломжгүй гэсэн үг биш. Чиний хувьд ч, аливаа нэг зүйлийг хийх хүсэлтэй хэнд ч боломжгүй зүйл гэж байхгүй.

7. Робби Фрэй, 18 настай, зохион бүтээгч

Хэрвээ чи инженерчлэлийн салбарт орохоор шийдсэн л бол мянга мянга хүнд тусалж байгаагийн сацуу, энэ амьдрал чинь дууссан ч гэсэн цаашид мөн л мянга мянган хүнд тусалсаар байх болно гэсэн үг. Ийм л янзтай салбар.