1 мин

Флойд Мэйведер Роналдуд баяр хүргэв

Ялалтын гоолыг Криштиану Роналду оруулсан бөгөөд тэр шинэ багтаа ирээд анхны цомоо өргөж байгаа нь энэ юм.

М.Сугар-Эрдэнэ 2019.01.17 6 2 1

63

Өчигдөр шөнө Саудын Араб улсын "King Abdullah Sports City" цэнгэлдэх хүрээлэнд Италийн Супер цомын төлөө тоглолт явагдлаа. Турин хотын "Ювентус" болон "Милан" багуудын тулаанд "Ювентус" 1:0 харьцаатай ялж, цомын эзэн болов. Ялалтын гоолыг дэлхийн шилдэг хөлбөмбөгчдийн нэг Криштиану Роналду оруулсан бөгөөд тэр шинэ багтаа ирээд анхны цомоо өргөж байгаа нь энэ юм.

"Ювентус" – "Милан" 1:0 (0:0, 1:0)

1-р сарын 16, 20.30, "King Abdullah Sports City"
Гоол: 1:0 – 61 Роналду.
"Ювентус" – Шченсны, Бонуччи, Алекс Сандро, Жоау Канселу, Кьеллини, Бентанкур (Бернардески, 86), Пьянич (Жан, 65), Матюиди, Дуглас Коста (Хедира, 89), Роналду, Дибала.
"Милан" – Доннарумма, Сапата, Родригес, Калабрия, Романьоли, Лукас Пакета (Борини, 71), Бакайоко, Кастильехо (Игуаин, 71), Кессиэ, Чалханоглу, Кутроне (Конти, 79).
Шар хуудас: Чалханоглу (21), Алекс Сандро (26), Пьянич (44), Кастильехо (45), Романьоли (74), Калабрия (82), Родригес (87), Дибала (90).
Улаан хуудас: Кессиэ (73).

Тоглолтын дараа мэргэжлийн боксын ялагдашгүй аварга Флойд Мэйведер хувцас солих өрөөнд орж ирэн, Роналдуд баяр хүргэсэн байна.

М.Сугар-Эрдэнэ 2019.01.17

63