Хайх зүйлээ бичнэ үү

1 мин

Осол хийсэн согтуу лам "Бурхан та нарыг шийтгэлээ" гэжээ

Христийн шашны номлогч, багш ламтан түүний хэлсэн үг хохирогчдыг үнэхээр гайхшруулжээ.


ОХУ-ын Псков мужид болсон машины осол олны анхаарлыг татаж эхлээд байна. Орост өдөр тутам гардаг бусад ослоос онц ялгаагүй, согтуугаар машин барьснаас үүдсэн хэрэг. Гэхдээ энэ хэрэгт оролцогчдын "тоглолт" тун сонирхолтой байгаа юм.
Энэ сарын 12-нд Псков мужийн нэгэн зам дээр энэ явдал болжээ. Иеродиакон Андрей Парфенов хэмээх ламтан "Toyota Camry" машинаа согтуу жолоодож яваад эсрэг урсгалд орж,  "Deаwoo Nexia" машиныг мөргөсөн байна. Мөргүүлсэн машинд 4 хүн сууж явсан бөгөөд урд суудалд сууж явсан 43 настай Екатерина Царева тархи нь гэмтэж, хавирга нь хугаран эмнэлэгт хүргэгджээ.

Эрчимт эмчилгээ хийлгэж байсан эмэгтэйд 15-ны өдөр нэгэн эргэлт ирсэн нь Псковын сүм хийдүүдийн олон нийттэй харилцах хэлтсийн томоохон албан тушаалтай ламтан Александр Петряков байлаа. Христийн шашны номлогч, багш ламтан түүний хэлсэн үг хохирогчдыг үнэхээр гайхшруулжээ.

Александр Петряков "Таныг Бурхан шийтгэсэн байна. Магадгүй та хурдан гэртээ хариад архи, дарс уухсан, эсвэл ямар нэг зугаалга, найранд очих гэж бодсон байх. Харин Бурхан таныг зогсоох гэж оролджээ" гээд эмэгтэйд нүглээ наминчлахыг зөвлөсөн байна. 

Мэс засалд орох гэж байхад нь ч хэрэгтэн лам Андрей Парфенов эмнэлэгт ирж, машиныхаа урд зүүсэн байсан Бурханы хөргийг үзүүлэн, "Энэ л биднийг аварлаа. Би ядуу хүн. Аав ээж минь хүнд өвчтэй" гэж ярьжээ.

Орон нутгийн Цагдаагийн газраас ламтанд одоо хүртэл хэрэг үүсгэн шалгаагүй байна.

холбоотой мэдээ
1
1 цагийн өмнө
Жейсон Момоа сүүлийн 7 жилд анх удаа сахлаа хусаж, фэнүүдээ цочирдуулав
2
23 цагийн өмнө
Эрдэмтэд үхсэн гахайн тархийг 10 цагийн турш амьд байлгаж чаджээ
3
Өчигдөр
Сахалтай эрчүүд бусдад ямар сэтгэгдэл төрүүлдэг вэ?
санал болгох
1
19 цагийн өмнө
Playlist | "Game of Thrones"-ийн төгсгөлийг мэдье гэвэл энэ 51 дууг сонсоорой
2
20 цагийн өмнө
The New York Times | Инээд наргиа болгох феминист биш
3
21 цагийн өмнө
Ширээн дээр: Намуухан, тохилог "Cafe Tree"

Энэ мэдээнд өгөх таны сэтгэгдэл?
0
22
0
1
1
4
1
2

Сэтгэгдэл бичих (4)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.

Зочин 2019.01.17 203.91.115.40

orsuud ugaasa buthgui ee niigem ni arhind ih orson aluuss ni corruption bgaa geed l

0 Хариулах


Зочин 2019.01.17 66.181.161.71

Чи өөрөө согтуу байхдаа энэ нийтлэлийг бичсэн юмуу

0 Хариулах


Зочин 2019.01.17 202.126.89.45

Юу ч ойлгосонгүй, энэ лам ямар гэм хийсийн? Цагдаа чагаад шалгах гээд бган?

2 Хариулах


Зочин 2019.01.17 103.229.120.64

Erguu mal we chi

0 Хариулах


Зочин 2019.01.17 103.10.23.135

Oros yalna. Yalj bgaa hahaha

0 Хариулах