OMG: BTS-ийн фэнүүд Өргөөд гарах үзвэрийн тасалбарыг хэдхэн минутад дуусгав
BTS хамтлагийн шүтэн бишрэгчид гэхдээ гуниглах болоогүй шүү.
BTS хамтлаг бол Өмнөд Солонгосын хамгийн алдартай, чадварлаг хөвгүүдийн хамтлагийн нэг бөгөөд манай улсад ч асар олон шүтэн бишрэгчид байдаг билээ.
Өргөө кино театрын зүгээс нэгэн хэсэг BTS хамтлагийн "Love Yourself" тоглолтыг гаргавал үзэх хүн байна уу хэмээн санал асуулга явуулсан. Гэтэл өнөөдөр гаргахаар болсон тухайгаа болон, үзвэрийн тасалбар удахгүй зарагдана гэсэн мэдээлэл тарж, бүх хүн Өргөө кино театрын пэйжийг манасан гэхэд болох юм.
Гэтэл дөнгөж түрүүхэн буюу нэгхэн цагийн өмнө "Тасалбар худалдаанд гарлаа" гэсэн пост орж, тэр дороо дууссан байсан юм. Нэгдүгээр сарын 26-нд гарах ганцхан удаагийн үзвэр гэсэн байсан учир олон шүтэн бишрэгчид сэтгэл дундуур үлдсэн ч кино театрын зүгээс найдлага төрүүлсэн пост бичжээ.