Жон гүйгээрэй! "Жон Уик - 3" киноны трейлер цацагдлаа
"Жон Уик - 3" тавдугаар сарын 17-нд дэлгэцэнд гарна.
Алдарт алуурчин Жон Уикийн шинэ анги гарах тун дөхөөд байна. YouTube суваг дээр "Жон Уик - 3" киноны трейлер албан ёсоор цацагдлаа.
Найруулагчийн амласан ёсоор шинэ анги хурц адал явдалтай, аллага хядлага ч олонтой байх шинжтэй. Хоёрдугаар анги төгсөхөд Жон Уикийг дүрэм зөрчсөн хэргээр хөлсний алуурчдын нийгэмлэгээс хөөж, бүгд түүнийг ангуучилж эхэлснээр төгссөн билээ. Тиймээс шинэ ангид түүнд уйдах зав огт байхгүй. Жон Уик буудаад, гүйгээд л, дахиад буудаад, ахин гүйгээд л, тэр хоорондоо Халли Берригийн баатартай харилцаж бас амжиж байна.
"Жон Уик - 3" тавдугаар сарын 17-нд дэлгэцэнд гарна.