Фото: Монголчууд мөсний загасчлалын тэмцээнд түрүүллээ
Хоёр өдрийн нийлбэр дүнгээр "Номадс" баг түрүүлж, 100 мянган рублийн шагнал хүртлээ.
Олон улсын мөсний загасчлалын "BOTIF-2019" нээлттэй тэмцээнд Монголын загасчид амжилттай оролцлоо. Тэмцээнд Эрхүү, Ангарск, Шелехов, Москва, Буриад, Монголын нийт 18 баг оролцсон байна.
Эрхүү мужийн Ольхон дүүргийн нутагт өнгөрсөн амралтын өдрүүдэд болсон тус тэмцээн 2 шаттай явагдсан.
Бямба гарагт болсон буухиа буюу багийн гишүүн бүр 3-аас доошгүй загас ээлжлэн барих тэмцээнд манай "Найзууд" баг нийт 2,468 кг загас барьж тэргүүлсэн байна.
Харин Ням гарагт болсон багийн тэмцээнд манай "Номадс" баг 7,768 кг загастайгаар түрүүлжээ.
Хоёр өдрийн нийлбэр дүнгээр "Номадс" баг түрүүлж, 100 мянган рублийн шагнал хүртлээ.
Хоёрдугаар байрт Эрхүү хотын "Дикая речка" орж, хүрэл медалийг "Найзууд" авсан байна.