MNTM шоуны ялагчдаар Ч.Чамин-Эрдэнэ, Б.Анужин нар тодорчээ
Өнөөдөр буюу нэгдүгээр сарын 20-ны орой Mongolia's Next Top Model шоу нэвтрүүлгийн финалын дугаар үзэгчдэд хүрлээ. Энэ улирлын дугаарын финалын оролцогчдоор Б.Анужин, Н.Мишээл, Э.Одонтунгалаг, Д.Алина, Ч.Чамин-Эрдэнэ нар тодорч үлдээд байсан бөгөөд өнөөдөр ялагчийн нэрийг зарласан юм.
Монголд зохион байгуулагдаж буй хоёр дахь удаагийн "Mongolia's Next Top Model" шоуны ялагчаар Ч.Чамин-Эрдэнэ, Б.Анужин нарыг тодрууллаа.
Талийгаач Ч.Чамин-Эрдэнийн ялагчийн шагналыг төрсөн дүү болох Ч.Чамин-Эрхэст гардуулан өгсөн бөгөөд ялагч тодруулах ёслолын үеэр түүний дурсгалыг хүндэтгэн бүгд нэг минут дуугаа хураасан билээ.
Үзэсгэлэнтэй, авьяаслаг, хамгаас гэгээн сэтгэлтэй Ч.Чамин-Эрдэнийн тухай бичлэгийг үзүүлж, улс даяараа түүнийг эргэн дурссан энэ дугаар хүн бүрийн сэтгэлийг хөдөлгөсөн гэдэгт эргэлзэхгүй байна. Түүний болоод Б.Анужин нарын шилдэг зургуудаас хамтдаа сонирхоцгооё.