2 мин

Хагацал, салалтын тухай шилдэг 10 солонгос дуу

"Би чамд хайргүй болсон. Надад өөр шалтгаан байхгүй. Би уучлал гуйхыг хүсэхгүй байна. Чи уйлсан ч миний зүрх өвдөхгүй"

М.Сугар-Эрдэнэ 2019.01.22

К-Поп ертөнцөд хагацал, салалтын тухай маш олон бүтээл бий. Үүнээс хамгийн гунигтай 10 дууг сонгож байна.

1. Ben – "180 Degrees"
Энэ дуунд "Чиний царай, чиний үг 180 градус өөрчлөгдсөн. Бидний хайр, дурсамж ч бас" гэж дуулдаг.

2. Heize – "Don’t Know You"
"Би чиний хувцасны хэмжээг мэддэг ч чиний надад өгсөн хайрын хэмжээг мэддэггүй байж" гэжээ.

3. Roy Kim – "The Hardest Part"
Энэ дууг Ким зохиож, продюсер хийсэн. Хайр гэдэг үгийг сонсож чадахгүй болсон хүний талаар өгүүлнэ.

4. PARK WON – "Try"
"Чи намайг өнөөдрөөс илүү маргааш хайрлана гэж хэлсэн, харин би чамд маргаашнаас илүү өнөөдөр хайртай"

5. SUZY – "In Love With Someone Else"
Өөр хүнд хайртай болсноо нууж хаалгүй, үнэнээсээ хэлж байгаа дуу.

6. Yang Da Il – "Confession"
"Би чамайг нэрээр чинь дуудаж байгаа ч сэтгэлд минь юу ч мэдрэгдэхгүй байна" гэжээ.

7. Davichi – "Days Without You"
Хагацлын зовлонгоосоо гарч чадахгүй байгаа бүсгүйн тухай дуулна. "Надаас илүү чамд хэцүү байгаа гэж найдна. Би чамайг мартсаны дараа чи намайг мартаасай. Надаас болоод чи шөнө унтаж чадахгүй байгаасай"

8. 10cm – "Perfect"
Салсан бүсгүйгээ өв тэгш байсныг нь ойлгосон залуугийн дуу. "Чамайг амьдралаас минь явсны дараа л би чамайг өөлөх зүйлгүй байсныг мэдлээ. Өчигдөр сайхан байсан ч өнөөдөр там шиг байна"

9. Им Хан Бёль – "The Way To Say Goodbye"
Салахаар зэхэж байгаа хүний тухай дуулжээ. "Бүх юмыг март. Надаас хариугаа авахын тулд надаас сайхан амьдраарай"

10. Urban Zakapa – "I Don’t Love You"
"Би чамд хайргүй болсон. Надад өөр шалтгаан байхгүй. Би уучлал гуйхыг хүсэхгүй байна. Чи уйлсан ч миний зүрх өвдөхгүй"