1 мин

ГХЯ-ны сайд Казахстанд айлчилна

Айлчлалаар хоёр талын хамтын ажиллагааны талаар хэлэлцэнэ.

М.Сугар-Эрдэнэ 2019.01.22

"Монголын ГХЯ-ны сайд Д.Цогтбаатар энэ сарын 24-25-нд Казахстанд айлчилна" гэж "Казинформ" агентлаг мэдээллээ.

Казахстаны Гадаад хэргийн яамны хэвлэлийн албаны дарга Айбек Смадияров "Айлчлалаар хоёр талын хамтын ажиллагааны талаар хэлэлцэнэ. Тодруулбал худалдаа-эдийн засаг,соёл-хүмүүнлэг, тээврийн салбарт ярилцах зүйл олон байна. Мөн хоёр улсын дээд хэмжээний уулзалтыг зохион байгуулах талаар хэлэлцэх болно. Д.Цогтбаатар манай дээд удирдлагатай уулзалт хийхээр товлосон байгаа. Казахстан, Монгол хоёр улс бол түүх, эдийн засгийн эртний харилцаатай, стратегийн түнш улсууд. Монгол дахь казах ард түмэн манай хоёр улсын хооронд найрамдлын гүүр болдог билээ" гэж мэдэгджээ.

Харин Төв Азийн Кыргызстан улсын ГХЯ-наас "Энэ сарын 22-нд болох байсан Кыргызстан, Монгол улсуудын ГХЯ-ны сайд нарын уулзалт Монголын талын хүсэлтээр цуцлагдлаа" гэж зарласан байна. Хурлын тов гарч, сэтгүүлчид цугласан байсан боловч уулзалт болсонгүй.