1 мин

ОХУ-ын "Монголтрейд" компанийг нэрээ солихыг үүрэг болголоо

"Монгол гэдэг нь бие даасан тусдаа үг бөгөөд Монгол улсын нэртэй огт холбоогүй" гэж давж заалдсан байна.

М.Сугар-Эрдэнэ 2019.01.22 1 1

1

ОХУ-д "Монголтрейд" нэртэй бөөнийн худалдаа эрхэлдэг компани бий. Тус компани 2017 оны долоодугаар сарын 11-нд албан ёсоор бүртгүүлсэн байдаг.

Гэвч Татварын албанаас нэрэнд нь гадаад улс орны нэр орсон байж болохгүй хэмээн тус компанид нэрээ солих үүрэг өгсөн байна. Харин компани огт тоолгүй үйл ажиллагаагаа үргэлжлүүлэн явуулсаар байсан тул Алтайн хязгаарын шүүхэд хандсан байна. Шүүхээс Татварын албаны өргөдлийг авч хэлэлцэн, "Монгол гэдэг үг нь Монголия хэмээх гадаад орны нэртэй ижилхэн байна. Энэ нь худалдан авагч, үйлчлүүлэгч, харилцагч байгууллагуудад буруу ташаа ойлголт өгөх магадлалтай " гэж үзэн, нэр солих шийдвэр гаргажээ.

Харин "Монголтрейд" бууж өгсөнгүй, Оюуны өмчийн шүүхэд хандан, "Монгол гэдэг нь бие даасан тусдаа үг бөгөөд Монгол улсын нэртэй огт холбоогүй" гэж давж заалдсан байна. Гэвч Оюуны өмчийн шүүхээс компанийг "ОХУ-ын хуулийн дагуу компанийн нэрээ өөрчлөхийг үүрэг болголоо" гэснээр энэ хэрэг өндөрлөлөө.

М.Сугар-Эрдэнэ 2019.01.22

1