"The Voice of Mongolia” шоуны ялагч Ц.Энгүүн Саппород дуулж байна
"Хоккайдо, Монголын найрамдлын тайз" хөгжмийн арга хэмжээнд Ц.Энгүүн оролцоно.
Өнгөрсөн жилийн "The Voice of Mongolia” шоуны ялагч Ц.Энгүүн Японы "Саппорогийн цасны наадам"-д уригдан, ая дуугаа өргөх гэж байна.
Энэ сарын 9-11-нд болох "Хоккайдо, Монголын найрамдлын тайз" хөгжмийн арга хэмжээнд Ц.Энгүүн оролцоно. Тэрбээр анх удаагаа Японд очиж байгаа нь энэ бөгөөд "Дэлхийн өвлийн том наадмуудын нэг болох "Саппорогийн цасны наадам"-д уран бүтээлээ толилуулах гэж байгаадаа баяртай байна" гэж сэтгүүлчдэд ярьсан байна.
Ц.Энгүүн "The Voice of Mongolia” шоуны финалд түрүүлээд ‘Universal Music’ компанийн Монгол дахь албан ёсны төлөөлөгч ‘Монгол Контент’ ХХК-тай 100 сая төгрөгийн хамтран ажиллах гэрээ байгуулж, "Nissan Qashqai" загварын машины эзэн болсон билээ.