1 мин

“Азийн хүүхдүүд” наадам: Монголын баг тамирчдын тойм

"Сахалин – 2019" наадмыг MNB Sport HD суваг шууд дамжуулан хүргэж байна.

М.Сугар-Эрдэнэ 2019.02.11

ОХУ-ын Сахалин мужийн Южно-Сахалинcк хотноо 02 дугаар сарын 08-17-ны өдрүүдэд “Азийн хүүхдүүд” өвлийн спортын анхдугаар наадам спортын 8 төрлөөр зохион байгуулагдаж буй билээ. Наадамд Азийн олимпийн зөвлөлийн гишүүн орнууд болон Москва хот, Урал, Сибирь, Саха, Алс Дорнод, Башкортостан, Татарстан, Сахалинск мужийн нийт 19 багийн 1,000 гаруй тамирчид оролцож байна.

Монгол улсаа төлөөлөн уулын цана, гүйлтийн цана, биатлон, тэшүүрийн төрөлд 13 тамирчин оролцож буй бөгөөд гүйлтийн цанын эрэгтэйчүүдийн ойрын зайн төрөлд 65 тамирчин өрсөлдсөнөөс Б.Далхсүрэн, Б.Хонгор, Г.Өсөхбаяр, Б.Тайванбаатар нар 54-57 байруудад орсон бол эмэгтэйчүүдийн зайд 62 тамирчин өрсөлдөж, Ж.Бямбанордог 47, Ш.Ариунжаргал 52 дугаар байрт тус тус оров.

Наадмын 2 дахь өдөр Монголын баг тамирчид уулын цана, тэшүүр, биатлоны төрлүүдэд өрсөлдлөө.Биатлоны төрлийн спринт уралдаан явагдаж, хөвгүүдийн 6 км зайд нийт 34 тамирчин оролцсоноос Э.Энхсайхан 15.42 оноогоор 17 дугаар байр, охидын 4.5 км зайд нийт 34 тамирчин өрсөлдөж, Ч.Бямбасүрэн 20.51 оноогоор 32 дугаар байрыг тус тус эзлэв.

Шорт-трекийн 500 м уралдаанд нийт 37 тамирчин оролцож, Б.Алтангэрэл 52.6 сек, А.Бүрэнбаяр 52.3 секундын амжилтаар 26, 27 дугаар байрт тус тус шалгарлаа.