1 мин

Хятадууд Цагаан сараар монголчуудын жилийн орлогоос илүү их мөнгө үржээ

М.Сугар-Эрдэнэ 2019.02.11

"Хятадын иргэд энэ жилийн Цагаан сарын 7 хоногийн амралтаар нийт 513,9 тэрбум юанийн (76,21 тэрбум доллар) орлого аялал жуулчлалын салбарт орууллаа. Хүмүүс төрсөн нутагтаа харихаар 415 сая аяллын тийз захиалж, бэлэг дурсгал аван, урлаг соёлын арга хэмжээ үзсэн нь нөлөөлжээ. Жуулчдын 40 хувь нь музей үзсэн тооцоо гарсан" гэж Хятадын Соёл, аялал жуулчлалын яамнаас мэдээлжээ.

Харьцуулахад Люксембургийн ДНБ-ий хэмжээ 69 тэрбум доллар, Латви - 34 тэрбум, Кипр - 23, манай улсын ДНБ - 13, Черногор улсын жилийн ДНБ-ий хэмжээ 5 тэрбум доллараар хэмжигддэг байна.

Цагаан сар Хятадад албан ёсоор 10-нд өндөрлөсөн ч хөдөө орон нутагт үргэлжилсээр байна.