Гахайн африк мялзантай монгол хиамыг устгаж байна
Хураагдсан бүтээгдэхүүнийг тусгай зууханд шатаан устгаж байна" гэж "Ариг Ус" телевиз мэдээллээ.
"Цагаан сарын өмнө Хиагтаар дамжин, ОХУ-д худалдаалагдсан гахайн африк мялзантай монгол хиамыг устгаж байна" гэж Буриадын "Ариг Ус" телевиз мэдээллээ.
ОХУ-ын Мэргэжлийн хяналтын газраас 1-р сарын 31-нээс эхлэн Монголоос гахайн мах, махан бүтээгдэхүүн авахыг хориглосон. Харин энэ хиам нэгдүгээр сарын 30-нд хил нэвтэрсэн байжээ. "Хүнс комплекс" компанийн бүтээгдэхүүнүүдийг "Абсолют" дэлгүүр оруулж ирсэн бөгөөд энэ сарын 5-нд шалгалтаар гахайн африк мялзан өвчний халдвартай нь тогтоогджээ. Нийт 8 тонн бүтээгдэхүүн ОХУ-д оруулснаас 2,5 тонн нь хэдийнэ зарагдсан байсан байна. Буриад төдийгүй Эрхүү, Байгалийн хязгаар, Сибирийн хотуудад ч зарагдсан нь тогтоогджээ.
"Ард иргэдэд анхааруулга гаргаж, дэлгүүрүүд буцаан 2 дахин их үнээр авч байгаа юм. Хураагдсан бүтээгдэхүүнийг тусгай зууханд шатаан устгаж байна" гэж "Ариг Ус" телевиз мэдээллээ.