1 мин

Унгар улс "Алдарт эх"-чүүдээ татвараас чөлөөлнө

"Алдарт эх"-чүүдийг татвараас чөлөөлөхөөс гадна залуу хосуудад ч Засгийн газраас "бэлэг" бэлдсэн байна

М.Сугар-Эрдэнэ 2019.02.11

Унгарын Ерөнхий сайд Виктор Орбан "Дөрөв болон түүнээс олон хүүхэдтэй эхчүүдийг бүх насаар нь татвараас чөлөөлнө" гэж мэдэгджээ.

"Би-би-си" агентлагийн мэдээлснээр энэ арга хэмжээг авснаар Унгар улс хүн амынхаа тоог нэмэх гол зорилготой байгаа аж. Тус улсын хүн ам жилд 32 мянган хүнээр цөөрч байгаа бөгөөд Европ тивд хамгийн бага төрөлттэй оронд тооцогдож байна.

"Алдарт эх"-чүүдийг татвараас чөлөөлөхөөс гадна залуу хосуудад ч Засгийн газраас "бэлэг" бэлдсэн байна. Шинээр гэрбүл болсон залууст 10 сая форинтийн хүүгүй зээл олгохоор болсон бөгөөд хосууд 3 хүүхэдтэй болбол зээлийг хүчингүй болгох юм.

Унгар улс Европын холбооноос гаргасан гадаадын цагаач хүлээн авах шийдвэрийг эрс эсэргүүцдэг орон юм. Ерөнхий сайд Виктор Орбан "Бидэнд цагаачдын хүүхэд биш унгар хүүхэд хэрэгтэй байна" гэж мэдэгдсэн байна.