1 мин

Гэгээн Валентины өдрөөр өөрийгөө "зарах" гэсэн залуу

Хамгийн үнэтэй багц нь 150 доллар.

М.Сугар-Эрдэнэ 2019.02.12 1 1

32

Шинэ Зеландын Питер Вайлдинг гэгч залуу өөрийгөө зарах гэж "оролдоод" цахим сүлжээний од болоод байна. Питер Facebook дээр Гэгээн Валентины өдрийн үдшийг хамт өнгөрүүлэх санал бүсгүйчүүдэд тавиад үнэ хөлсөө нарийн бичсэн байна. Түүнтэй юм ярьж суух, үнсэлт, тэврэлт бүх юм үнэтэй бөгөөд тохиролцож болох гэнэ.

"Намайг Гэгээн Валентины өдрөөр түрээслээрэй. Би янз бүрийн үйлчилгээ үзүүлнэ. Үнийг тохиролцоно" гэж тэр бичсэн юм.Хамгийн доод үнэ 15 доллар. 15 доллараар та түүнтэй ганцхан цаг ярилцан сууж "чадна".
За тэгээд хамт зугаалах, кафед суух, Facebook-д зориулсан зураг авахуулах гээд  тун олон үйлчилгээтэй. Хамгийн үнэтэй багц нь 150 доллар. Үүнд оройн хоол, романтик зугаалга, үнсэлт, тэврэлт багтжээ.

Вайлдинг энэ бүх үйлчилгээг зөвхөн 22-36 насны бүсгүйчүүдэд үзүүлнэ гэж зарлаад "Хэрэв та хэт залуу, эсвэл хэт хөгшин бол битгий гомдоорой, би "Үгүй" гэж байна" гэжээ.

Түүний хошин шогийн мэдрэмжтэй пост олны анхаарлыг татаж, жинхэнээсээ танилцах, Гэгээн Валентины өдрийг хамт өнгөрөөх гэсэн бүсгүйчүүдийн хүсэлтэд дарагдаад байгаа гэнэ.

М.Сугар-Эрдэнэ 2019.02.12

32