Ирландын "Westlife" хамтлаг BTS-тэй хамтран ажиллах хүсэлтэй
2012 онд тарснаа зарласан "Westlife" хамтлаг 10-р сарын 3-нд дахин нэгдсэн юм.
Ирландын "Westlife" хамтлаг цагтаа Их Британийн хамгийн шилдэг хөвгүүдийн хамтлаг байсан билээ. Тус хамтлаг 1999-2006 онуудад 14 удаа Их Британийн чартад тэргүүлж байсан нь Элвис Пресли, "The Beatles"-ийн дараа түүхэнд 3-т бичигдсэн амжилт байлаа. 2000 онд "Boyzone" хамтлаг тарсны дараа тэд Ирланд, Их Британийн охидын жинхэнэ шүтээн болсон билээ. 2012 онд тарснаа зарласан "Westlife" хамтлаг 10-р сарын 3-нд дахин нэгдсэн юм.
Энэ сарын 11-нд MBC-ийн "Section TV"-ийн нэвтрүүлгийн үеэр тэднээс "Сүүлийн үед дэлхийд К-Поп дуучид ихэд нэрд гарч байна. Тэднээс хэнтэй нь хамтран ажиллах хүсэлтэй байна" гэж асуухад шууд BTS-ийг нэрлэсэн байна.
Ирланд дуучид "BTS-тэй хамтран ажилламаар байна. Залуус аа, хамт дуулья. BTS + "Westlife" гэхээр ёстой сайхан байна" гэж хариулжээ.
"Westlife" хамтлаг 2002 онд солонгос дуучин БоА-тай "Flying Without Wings" уран бүтээл дээр хамтран ажиллаж байв.