С.Зоригийг хөнөөсөн хүмүүсийн хэрэг “задрав” уу
Б.Содномдаржаа, Т.Чимгээ, Ц.Амгаланбаатар нарыг эрүүдэн шүүж, ял хүлээлгэсэн байж болзошгүй
С.Зоригийг хөнөөсөн хэмээн шүүхээс Ц.Амгаланбаатар, Б.Содномдаржаа, Т.Чимгээ нарт 24-25 жил хорих ял оноогоод байсан нь өөрчлөгдөж болзошгүй нөхцөл байдал үүслээ. Цагдаа, тагнуулынхан хамтарч ажиллах явцдаа Б.Содномдаржаа, Т.Чимгээ, Ц.Амгаланбаатар нарыг эрүүдэн шүүж, ял хүлээлгэсэн байж болзошгүй гэх үндэслэл бий болсон учраас шинэ ажлын хэсэг байгуулагдан, хэргийг дахин нягталж эхэлсэн.
Чингэлтэй дүүргийн шүүх өнгөрсөн долоо хоногт Н, Б гэх хоёр хүнийг 14 хоног хорих захирамж гаргасан тухай мэдээлэл тараад байна. Тэдний нэг нь С.Зоригийн амь насанд хүрсэн хэргийг шалгах чиг үүрэгтэй өмнөх ажлын хэсэгт ажиллаж байхдаа ноцтой алдаа гаргасан байх магадлалтай аж.