Йелийн их сургуулийн 'аз жаргалтай амьдрах тухай' хичээлийг онлайнаар үзэх боломжтой болжээ
Өнгөрсөн жил Йелийн Их сургуулийн "Сэтгэл зүй ба сайхан амьдрал" нэртэй сургалтын хөтөлбөр сүүлийн 317 жилд буюу их сургуулийн түүхэнд хамгийн олон оюутан судалсан хичээлээр тодорчээ. Өнгөрсөн жил л гэхэд 1200 оюутан буюу Йелийн Их сургуулийн төгсөх ангийн оюутнуудын 25 хувь нь тус хичээлийг сонгон судалжээ. Тэгвэл энэхүү алдартай хичээлийг хүссэн хүн бүхэн онлайнаар үзэх боломж бүрдээд байна.
Сэтгэл судлалын профессор Лори Сантос оюутнуудынхаа сэтгэл гутрал, стресс, түгшүүр зэрэг сэтгэл зүйн асуудлуудыг багасгах зорилгоор тус сургалтын хөтөлбөрийг боловсруулсан аж. Тэрбээр энэ хичээлээр дамжуулан оюутнуудад карьераа зөв сонгох, сэтгэл ханамж өгдөг ажлаа олж хийх, хамгийн чухал нь өдөр тутмын амьдралдаа хэрхэн аз жаргалыг бий болгох талаар зөвлөхийг зорьжээ.
Түүнчлэн уг хичээлийг судалснаар аз жаргал хэмээх ойлголтын цаана орших сэтгэл зүйн ойлголт, ухагдахууны тухай мэдээд зогсохгүй аз жаргалтай амьдралын хэв маягийг бий болгоход чиглэсэн видео хичээлүүдийг үзэж, нэмэлт материал уншиж, асуултад хариулж, сонирхолтой гэрийн даалгавруудыг гүйцэтгэх гэнэ.
Хэрэв та энэ хичээлийг судлахыг хүсвэл ЭНД дараарай. Coursera сайт руу орж тус хичээлийг үзэхэд үнэ төлбөргүй бөгөөд албан ёсны гэрчилгээ авахыг хүсвэл 49 доллар төлөх юм байна.
Эх сурвалж: Stylish