1 мин

Инфографик: Миллениалуудын 64 хувь нь худалдаж авахын оронд түрээслэхийг илүүд үздэг

Б.Саруул 2020.01.02 3 1

26

Эдийн засгийн ирээдүйг хүмүүсийн орлогоо захиран зарцуулж буй хэв маяг тодорхойлдог билээ. Харин орчин цагт юуг ч, хэзээ ч түрээслэх боломжтой болсон нь бизнес, эдийн засагт өөрчлөлт авчирч, томоохон үйлдвэрлэгчдийг бизнес загвараа эргэж харахад хүргээд байна. 

Саяхан Lab 42 судалгааны компани 500 хүнийг хамруулсан судалгаа явуулахад сонирхолтой дүр зураг харагджээ. Судалгаагаар хүмүүс дараах эд зүйлсийг хамгийн их түрээслэдэг гэж хариулсан байна. 

Мөн түрээсийн үйлчилгээг ашигладаг хүмүүсийн 64 хувь нь гэрлээгүй, 18-38 насныхан буюу миллениалууд байгаа юм. 

Хэдийгээр миллениалуудыг бага эд зүйлтэй байхыг эрмэлздэг гэдэг ч судалгаанд оролцогчдын ердөө 6 хувь нь өөрийн гэсэн эд хогшилтой байх дургүй учраас түрээслэдэг гэж хариулсан байна. Харин худалдаж авахаасаа өмнө туршиж үзэх, түр зуур ашиглах зорилгоор түрээслэдэг гэж 50 гаруй хувь нь хариулжээ. 

Миллениалуудын амьдралын энэ хэв маягийг анзаарсан үйлчилгээ үзүүлэгчид бизнес загвараа өөрчлөх, шинэ бизнес эхлүүлэх зэргээр бүтээгдэхүүн, үйлчилгээгээ хэрэглэгчдийнхээ сонирхолд нийцүүлэхийг зорьж байна. Тухайлбал, Nuuly компани "subscription"-д тулгуурласан түрээсийн үйлчилгээг нэвтрүүлжээ. Энд 100 гаруй брэндийн олон зуун нэр төрлийн хувцас бусад хэрэгсэл байх бөгөөд хэрэглэгч сард 88 доллар төлөөд 6 хүртэлх эд зүйлийг түрээслэх боломжтой аж. 

Эх сурвалж: WeForum 

Б.Саруул 2020.01.02

26