1 мин

iPhone, Samsung зэрэг ухаалаг утас хэвийн хэмжээнээс их цацраг туяа ялгаруулж байгааг тогтоожээ

Б.Саруул 2019.08.23 2 1 1

52

Чикаго Трибьюн сонины сэтгүүлчид Apple, Motorola, Blu, Samsung зэрэг хүмүүсийн хамгийн их ашигладаг 11 төрлийн ухаалаг утсыг сонгон авч, төхөөрөмжөөс ялгарч буй цацраг туяаны аюулгүй байдлыг шалгажээ. Калифорни дахь тусгай лабораторид хийсэн туршилтаас үзвэл iPhone 7, Samsung Galaxy S8 зэрэг сүүлийн үеийн ухаалаг утас нь мэргэжлийн хүмүүсийн аюулгүй гэж үздэг хэмжээнээс 2-5 дахин их цацраг туяа ялгаруулж байгаа нь тогтоогджээ. 

АНУ-ын Харилцаа холбооны хороо гар утаснаас ялгарах цацраг туяаны хэмжээ нэг килограмм тутамд 1.6 ваттаас хэтрэх ёсгүй гэж тогтоосон байдаг. Харин туршилтад оруулсан ихэнх гар утас дээрх хэмжээг давжээ. Өөрөөр хэлбэл, гар утсаа орныхоо хажууд тавьж унтах, халаасандаа авч явах зэргээр биедээ ойр байлгах нь эрүүл мэндийн хувьд эрсдэлтэй гэсэн үг юм. 

Судлаачдын хэлж буйгаар цацраг туяа төдийгүй гар утасны технологид ашигладаг бага хэмжээний долгион ялгаруулалт хүртэл хүний арьсанд нэвтэрч, ДНХ-ийг гэмтээх чадвартай байдаг гэжээ. Түүнчлэн эрдэмтэд тогтоосон хэмжээнээс их цацраг туяатай орчинд ажилладаг хүмүүсийг судалж үзэхэд тодорхой төрлийн хорт хавдар тусах магадлал өндөр байжээ. 

Одоогоор АНУ-ын Харилцаа холбооны хороо (FCC) уг асуудлыг гүнзгийрүүлэн шалгаж байгаа аж

Эх сурвалж: Chicago Tribune

Б.Саруул 2019.08.23

52