Ирэх сарын 1-8-нд бүх музейг үнэ төлбөргүй үзэх боломжтой
Боловсрол, соёл, шинжлэх ухаан, спортын сайд асан Ц.Цогзолмаа өнгөрсөн жил "Музейн нээлттэй өдрүүд"-ийг зохион байгуулах тухай тушаал гаргасан.
Тус тушаалд "Жил бүрийн 3 дугаар сарын эхний долоо хоногт "Музейн нээлттэй өдрүүд" арга хэмжээг зохион байгуулж хэвшүүлсүгэй" гэж заасан юм. Энэ дагуу гуравдугаар сарын 1-8-нд улсын хэмжээнд үйл ажиллагаа явуулж буй бүх музей иргэдэд үнэ төлбөргүй үйлчилнэ.
Соёлын биет өвд тулгуурлан хүүхэд залуучуудад монгол ахуй, монгол өв соёлыг өвлүүлэх, эх оронч үзэл төлөвшүүлэх, нийгмийн хөгжилд музейн оруулах хувь нэмрийг нэмэгдүүлэх зорилгоор энэхүү шийдвэрийг гаргасан юм.