1 мин

Жейсон Момоа сүүлийн 7 жилд анх удаа сахлаа хусаж, фэнүүдээ цочирдуулав

Б.Саруул 2019.04.19 7 6 4

684

'Aquaman' киноны од, жүжигчин Жейсон Момоа 2012 оноос хойш анх удаа сахлаа хусчээ. Тэрээр өнгөрсөн лхагва гарагт Youtube хуудсандаа "Баяртай Дрого..." гэсэн нэртэй бичлэг оруулж, уг "цочирдом" үйл явдлыг фэнүүддээ дуулгасан байна. Тэрээр хамгийн сүүлд 2012 онд сахлаа хуссан гэж ярьжээ. 

39 настай жүжигчин залуугийн эл үйлдэл зөвхөн сахлаа хуссанаа дуулгах тухай биш юм. Тэрээр хүмүүст байгаль орчиндоо ээлтэй байхыг сануулахыг хүссэн гэнэ. Момоа бичлэгийнхээ тайлбар дээр "Би сахлаа хусаж байна. Учир нь өөрчлөлт хийх цаг ирсэн... миний, таны үр хүүхдэд сайн сайхан дэлхийг үлдээхийн тулд эх дэлхийдээ ээлтэй хандъя. Далай тэнгис, газраа цэвэрлэе" гэж бичжээ. 

Момоа пластик хог хаягдал дэлхийг бохирдуулж байгааг бичлэгтээ дурдаад үүнээс сэргийлэх гол арга бол дахин боловсруулах, мөн пластик сав, баглаа боодлоос татгалзах юм гэжээ. 

Харин түүний шүтэн бишрэгчид сахалгүй Жейсон Момоагийн төрхөд ихэд цочирдож, энэ байдалтай эвлэрч чадахгүй байгаагаа цахим орчинд илэрхийлж байгаа гэнэ. 

Эх сурвалж: Insider.com

Б.Саруул 2019.04.19

684