Жүжигчин Камеран Боёсын нэрэмжит сайн үйлсийн сан байгуулагдлаа
Өвөрмөц төрх, мэргэжлийн жүжиглэлтээрээ үеийнхээ уран бүтээлчдээс ялгардаг байсан Америкийн залуу жүжигчин Камерон Боёс өвчний улмаас долоодугаар сарын 6-ны өдөр таалал төгссөн билээ. Дөнгөж 20 настай тэрбээр бидний сайн мэдэх "Jessie", "Descendants" гэх мэт олон дэлгэцийн уран бүтээлд дүрээ мөнхөлж, үзэгчдийн сэтгэлд хүрсэн юм.
Тэгвэл Камероны гэр бүл хүүгийнхээ дурсгалд зориулж "Cameron Boyce" нэртэй сайн үйлсийн сан байгуулжээ. Түүний эцэг эх "Залуусын бүтээлч үйл ажиллагааг дэмжиж, тэднийг хүчирхийлэл болон сөрөг нөлөөллөөс ангид байлгаж, дэлхий дахинд эерэг байдлыг бий болгоно" хэмээн мэдэгдэлдээ дурджээ.
Түүнтэй "Descendants" кинонд хамтран тоглосон жүжигчин Софиа Карсон өөрийн инстаграм хуудастаа "Cameron Boyce сан түүний хүсэл зорилгыг бодит болгохын төлөө үйл ажиллагаагаа явуулж эхэллээ. Түүнтэй нэг цаг үед амьдарч байсан бид дэндүү азтай юм. Бид бүгд хамтдаа түүний сэтгэл зүрхийг үүрд мөнх дурсан санаж явна" хэмээн бичжээ.
Бэлтгэсэн С.Содбилгүүн