3 мин

Хаадын тоглоомын хамгийн нууцлаг дүр болох Шөнийн хаантай холбоотой 8 таамаглал

Шөнийн хаан хэн байж болох вэ?

Б.Саруул 2019.04.19 20 8 7

335

"Хаадын тоглоом" цувралын төгсгөлийн бүлэгт Шөнийн хаан гэж хэн болох, түүний эцсийн зорилго юу вэ гэдэг нь үзэгчдийн анхаарлыг хамгийн их татаж буй асуултуудын нэг. 

Тэгвэл бид Шөнийн хааны талаар юу мэдэх вэ? 

• Тэрээр нэгэн цагт хүн байсан бөгөөд Ойн хүүхдүүд түүнийг хүмүүсийн эсрэг тэмцэх хэрэгсэл буюу Цагаан алхагч болгон хувиргажээ. Гэвч одоо түүнийг Ойн хүүхдүүд хянаж чадахаасаа өнгөрсөн. 
• Тиймээс хүмүүс болон Ойн хүүхдүүд энхийн гэрээ байгуулж, Цагаан алхагчдын эсрэг тэмцэхээр болоод байна. 
• Тэрээр энгийн хүмүүсийн Цагаан алхагч болгон хувиргах чадвартай
• Шөнийн хаан жад шидэхдээ гаргуун.

Хэдийгээр бид Шөнийн хааны тухай төдийлөн гүнзгий мэдэхгүй ч түүний хэн болох талаар үзэгчдийн дунд дараах 8 таамаглал хамгийн түгээмэл байгаа юм. Харин та эдгээрийг хэр үнэний ортой гэж бодож байна?

1. Бран бол Шөнийн хаан

Бран Винтерфилдэд байхдаа хэд хэдэн удаа өөр цаг үе, өөр газар руу аялаж байсан. Ингэхдээ тэрээр Шөнийн хааны биед нэвтэрч, тэндээ "гацсан" байх магадлалтай гэж зарим хүн таамагладаг. Гэвч энэ таамаглал төдийлөн итгэл төрүүлдэггүй бөгөөд харин ч Бран бол Шөнийн хааныг ялах гол түлхүүр гэсэн таамаглал хүчтэй байгаа юм. Гэхдээ хэн мэдэх билээ, үйл явдал яаж ч эргэж мэднэ.   

2. Шөнийн хаан бол Старкуудын өвөг дээдэс 

Энэ нь "Бран бол Шөнийн хаан" гэдэг таамаглалаас арай бодитой сонсогдож мэдэх юм. Учир нь номонд Шөнийг хааныг Старкын удмын хүн байсан гэж 'сэжиглэх' зарим нэг санаа номонд дурдагддаг. Домогт өгүүлснээр Шөнийн хаан өмнө нь шөнийн харуулуудын 13 дахь лорд байсан бөгөөд цагаан алхагч эмэгтэйд дурлаж, улмаар түүнтэй хуримлан, өөрийгөө Шөнийн хаан хэмээн нэрийдсэн гэжээ. Гэхдээ номонд гардаг Night's king гэх дүр нь цувралд гардаг Шөнийн хаанаас өөр дүр гэж үзэх нь бий. 

3. Шөнийн хаан өмнө нь шөнийн харуулуудын ахлагч байсан 

Энэ таамаглал нь мөн л номонд гардаг Night's king дүрээс улбаатай юм. Гэхдээ Шөнийн хааныг хамгийн анхны цагаан алхагч гэж үзвэл тэр нь шөнийн харуул үүсэхээс өмнө бий болсон гэсэн үг. Тиймээс шөнийн харуулуудын ахлагч байсан гэх таамаглал эргэлзээтэй. 

4. Шөнийн хаан нэгэн цагт Гурван нүдэт хэрээ байсан 

Шөнийн хаан ирээдүйг зөгнөх, "Варг" буюу бусдын биед шилжин, цаг хугацаагаар аялах чадвартайгаас үзэхэд тэрээр олон зууны өмнө Гурван нүдээ хэрээ байсан байх магадлал өндөр юм. 

5. Шөнийн хаан бол Таргариены удмын хүн 

Шөнийн хаан Таргариены удмынхантай адил луу унах чадвартай гэдгийг харсан. Үүнээс үүдэн түүнийг Таргариены удмын хүн, тэр бүү хэл түүнийг Рейгар Таргариен (Жоны эцэг) гэж итгэдэг хүмүүс ч бий. Үнэндээ Шөнийн хаан Таргариены удам үүсэхээс ч өмнө байсан болов уу. 

6. Нэг биш хэд хэдэн Шөнийн хаан бий 

Цагаан алхагчид хүчирхэгжих цаг үеүддээ шинэ хаан тодруулж, өргөмжилдөг гэсэн таамаглал ч бий. Мөн уг таамаглал ёсоор Жон Снөү дараагийн Шөнийн хаан болох хүн гэх яриа гарсан.   

7. Шөнийн хаан бол домогт Азор Ахай баатар!

Домогт баатар Азор Ахай одоогийн үйл явдлаас хэдэн мянган жилийн өмнө буюу хана баригдахаас ч өмнө харанхуйгаас ирсэн цагаан алхагчдыг дарсан гэж өгүүлдэг. Тодруулбал, Ойн хүүхдүүд цагаан алхагчдыг хянах боломжгүй болох үед Азор Ахай тэдний нэг буюу Шөнийн хаан болж цагаан алхагчдыг зогсоосон байх магадлалтай. 

8. Шөнийн хаан гол дүрүүдийн хэнтэй ч холбоотой биш 

Магадгүй хариулт бидний бодож байгаагаас ч энгийн байж мэдэх юм. Шөнийн хаан заавал гол дүрүүдтэй ямар нэгэн сэжмээр холбогдоогүй, ердөө л Ойн хүүхдүүдийн эрхшээлд орж Шөнийн хаан болж хувирсан ердийн нэгэн байж магадгүй. 

Эх сурвалж: Buzzfeed

Б.Саруул 2019.04.19

335