"Халхын гол - Бид мартахгүй" хүндэтгэлийн арга хэмжээ болно
Халхын голын байлдааны ялалтад түүхэн үүрэг гүйцэтгэж, Монгол улсын эрх чөлөө, тусгаар тогтнолыг бататган бэхжүүлэх үйлсэд үнэтэй хувь нэмэр оруулсан монгол, оросын эрэлхэг дайчдын гавьяаг мөнхжүүлэх, хойч үедээ таниулах зорилгоор "Халхын гол-Бид мартахгүй" хүндэтгэлийн арга хэмжээ наймдугаар сарын 31-нд Зайсан толгой дахь Зөвлөлтийн дайчдын дурсгалт цогцолборт болох гэж байна.
Арга хэмжээний хүрээнд 16:00 цагаас "Халхын гол 80" дүрслэх урлагийн үзэсгэлэн, 16:30 цагаас монгол, орос сансрын баатруудтай дурсгалын зураг татуулах, 17:00 цагт арга хэмжээний нээлт, уран бүтээлчдийн тоглолт, 18:30 цагаас "Мартах учиргүй 1939 он" шүлэг яруу найргийн өдөрлөг, 20:00 цагаас "Зарлаагүй дайны оршил" Монголын уран сайхны кино тоглогдоно.
Арга хэмжээний талаарх дэлгэрэнгүй мэдээллийг Соёл, урлагийн газар цахим хуудсаар дамжуулан авах боломжтой.