1 мин

Харь гариг сонирхогчдын чуулга уулзалт болно

Ж.Мөнхзул 2019.08.20 1 1

33

Үл мэдэх нисдэг биет, харь гариг сонирхогч, судлагчдад зориулсан чуулга уулзалт Мэдээлэл технологийн үндэсний паркт ирэх есдүгээр сарын 7, 8-ний өдрүүдэд дөрөв дэх жилдээ зохион байгуулагдах гэж байна. 

Чуулга уулзалтын хүрээнд дэлхийн "Раелын хөдөлгөөн" буюу харь гаригт итгэгчдийн төлөөлөгчийн хувиар Япон, Хятад улсаас зочид ирж өөрсдийн мэдлэг, мэдээллээ хуваалцах аж. Мөн өөрийн нүдээр харь гаригийн хөлгийг харж байсан гэх олон хүмүүсийн дурсамжийг хуваалцах юм. Чуулганыг зохион байгуулагчдын зүгээс харь гаригийн талаар мэргэшсэн, олон жил судалгаа шинжилгээ хийж буй эрдэмтэн судлаач, олны танил эрхмүүдийг урин оролцуулахаар ажиллаж буй аж.

Хөтөлбөрийн хүрээнд зөвхөн харь гариг, үл мэдэх биетээс гадна 21 дүгээр зууны техник технологийн үсрэнгүй хөгжил, түүнтэй салшгүй холбоотой ирээдүйн өөрчлөлт шинэчлэлтийн тухай, мөн цөмийн зэвсэг, эх дэлхийн энх тайван зэрэг олон сэдвээр ярилцах юм.

Дэлгэрэнгүй мэдээллийг Монголын UFO, харь гариг сонирхогчид цахим хуудсаас авах боломжтой. 

Ж.Мөнхзул 2019.08.20

33