Хэнтийн Биндэр суманд морин уралдаан болж, хүүхэд гараа хөлдөөгөөгүйг мэдэгдлээ
Хэнтий аймгийн Биндэр суманд морин уралдаан болж хүүхэд осгож, бэртэж гэмтсэн үйл явдал болоогүйг Цагдаагийн Ерөнхий газрын урьдчилан сэргийлэх хэлтсээс мэдэгдлээ.
Уг мэдэгдэлд "Хэнтий аймгийн Биндэр сумын 4 дүгээр баг “Мөнцөг” уулын бэлд оршин суудаг А нь /7 настай, эрэгтэй/ 2019 оны 02 дугаар сарын 05-ны орой 19 цагийн үед гэрийнхээ ойролцоо мотоцикл нь эвдэрч зогссон ахыгаа тосохоор гар чийдэн барьж очих үед хоёр гар нь хүйтэнд хайрагджээ. Маргааш нь буюу 02 дугаар сарын 06-нд эмнэлгийн тусламж авч, боолт хийлгэсэн байна.
Эцэг, эхчүүд та бүхэн бага насны хүүхдээ асран хамгаалах үүргээ биелүүлж, хариуцлагаа дээшлүүлэн, болзошгүй эрсдлээс хүүхдээ хамгаална уу!" гэжээ.