Хиймэл оюун ухаан хувцасны загвар зохион бүтээж эхэллээ
Хиймэл оюун ухааны хөгжил сар, жилээр бус өдөр, цагаар урагшилж байна. Нийгмийн бүхий л салбарт хиймэл оюун ухааны дэвшил нэвтэрч байгаагийн нэгэн тод жишээ нь хувцас загвар юм. Массачусетийн Технологийн Их Сургуулийн (MIT) хоёр оюутан хиймэл оюун ухаанд суурилсан "Glitch" хэмээх анхны хувцасны брэндийг үүсгэн байгуулсан талаар WE Forum сайт мэдээлжээ.
Пинар Янардаг, Эмили Сальвадор нар эхэндээ хичээлийнхээ хүрээнд судалгаа хийж байсан ч яваандаа энэ нь хиймэл оюун ухаанд тулгуурласан хувцас загварын компанийг үүсгэн байгуулах сэдэл болжээ. Нөгөөтэйгүүр тэд STEM буюу шинжлэх ухаан, технологи, инженерчлэл, математикийн салбарт илүү олон эмэгтэйг ажиллахыг дэмжих зорилготой аж.
Энэ мэтчилэн хиймэл оюун ухааны хөгжил эрүүл мэнд, шинжлэх ухаан, санхүү, батлан хамгаалах гэх мэт бүхий л салбарт өөрчлөлт авчирна гэж эрдэмтэд тооцоолж байна. 2139 он гэхэд дэлхий дээрх бүх ажлын байр бүрэн автоматчилагдана гэх тооцоолол ч гараад байгаа билээ.
Холбоотой нийтлэл: Зураач робот Ай-Да бие даасан үзэсгэлэнгээ гаргах гэж байна
Эх сурвалж: WE Forum