Хайх зүйлээ бичнэ үү

1 мин

Хожлын дайтай хожигдол хүлээлээ


Монголын шигшээ баг ДАШТ-ий урьдчилсан шатны хоёр дахь тоглолтоо өчигдөр буюу есдүгээр сарын 10-ны өдөр дэлхийд чансаагаар 68 байр илүү Тажикистаны шигшээ багтай хийж, 1:0-ийн харьцаатай ялагдал хүлээлээ.

Монголын шигшээ баг хэдийгээр ялагдал амссан ч 90 минутын турш өндөр хэмнэлтэй тоглолт үзүүлж, үзэгчдийг огшоож байсан юм. Тажикистаны багтай эн тэнцүү, гайхалтай өрсөлдөөнийг үзүүлсэн ч тоглолтын 80 дахь минутад зочин багийн 6 дугаартай тоглогч Давронжон Ергашев унаж мөргөн гоол оруулсан нь тоглолтын хувь заяаг шийдсэн юм. Тоглолтын турш Монголын шигшээ баг 44 хувьтай бөмбөг эзэмшиж, хаалга руу чиглэсэн долоон удаагийн цохилт хийжээ. 

Харин Тажикистаны баг 56 хувьтай бөмбөг эзэмшиж, хаалга руу чиглэсэн есөн удаагийн цохилт хийсэн бөгөөд хоёр багийн хаалга оносон цохилт адил дөрөв байлаа.

Монголын хөлбөмбөгийн холбооны цэнгэлдэх хүрээлэнд үндэсний шигшээ багийн 3455 үнэнч хөгжөөн дэмжигч цуглаж, гайхалтай уур амьсгалыг бүрдүүлсэн нь энэ тоглолтыг улам амттай болгосон гэж хэлж болно. Дэлхийн чансаанд 52 дугаарт жагсдаг Мьянмарын шигшээ багийг хожоод байгаа Монголын шигшээ баг 10 дугаар сарын 15-нд Кыргызстаны багтай өөрийн талбайдаа тоглох хувиартай байна.

холбоотой мэдээ
1
8 цагийн өмнө
ДАШТ: Өнөөдөр барилдсан манай бөхчүүдийн гурав нь тэмцээнээ өндөрлүүллээ
2
9 цагийн өмнө
Э.Сумьяа ялагдал хүлээлээ
3
9 цагийн өмнө
Монгол хөвгүүд дэлхийн шилдгүүдтэй эн тэнцүү тоглолоо
санал болгох
1
8 цагийн өмнө
ДАШТ: Өнөөдөр барилдсан манай бөхчүүдийн гурав нь тэмцээнээ өндөрлүүллээ
2
8 цагийн өмнө
Алисагийн тэмдэглэл: "Үнэг ажиллагаа"-д очиж, монгол үлгэрүүдийг дахин "анх удаа" мэт с...
3
9 цагийн өмнө
Э.Сумьяа ялагдал хүлээлээ

Энэ мэдээнд өгөх таны сэтгэгдэл?
0
0
0
0
3
0
0
1