Хотын төвд гал гарч байна
18:30 цаг Онцгой байдлын албан хаагчид 18:00 цагийн үед галыг унтраалаа. Энэ талаар НЗДТГ-ын Хэвлэл мэдээллийн ажилтан "Хоёр байрны дунд хэсэгт модон эдлэл, тавилга болон хөргөх том сэнс байдаг. Энэ сэнснээс гал гарч, модон эдлэлд нөлөөлсөн болов уу" гэсэн байна.
Галын үеэр зарим бичиг баримт, тоног төхөөрөмж шатсан ба гал гарсан өрөөнүүдэд есөн хүн ажиллаж байсан бөгөөд бэртэж, гэмтээгүй гэдгийг албаныхан мэдээлжээ. Галын эцсийн шалтгааныг тогтоохоор Цагдаагийн албан хаагчид болон Онцгой байдлын ерөнхий газрын албан хаагчид ажиллаж байгаа юм.
17:40 цаг Нийслэлийн төв цэгт гал гарч байна. Тодруулбал, талбайн баруун талд байх "Голомт" банк болон НЗДТГ-ын байрны хана шатаж буй аж. Дэлгэрэнгүйг эргээд мэдээлнэ.