Хүмүүс "Avengers: Endgame" нээлтийн тасалбарыг 10,000 ам.доллараар зарж байна
Цаана чинь хүмүүс нээлтийн үзвэрийн тасалбарыг өндөр үнээр зараад эхэллээ. Гэхдээ гадаадад л даа. Хэрэв манайхан дунд яг нээлтийн өдөр IMAX танхимд голын суудалд сууж үзэх хүсэлтэй хүмүүс байгаа бол "call me" шүү. #ТасалбарЗарнаЗарна
Гадаадад нээлтийн үзвэрийн тасалбар жинхэнэ эрэлт хэрэгцээний шуурганд өртөж байна. Хүмүүс өөрсдийн байршилтай хамгийн ойр кино театруудад тасалбар захиалахыг оролдож байгаа ч бүгд дууссан байна.
Азтай болоод зүтгэлтэй зарим нь бол онлайн худалдан авалт нээгдэхэд л дайрч ороод хүссэн суудлаа захиалчихсан байна. Яг над шиг.
Гэтэл тасалбарын эрэлт хэрэгцээ хэтэрхий их болж, хүмүүс тасалбараа eBay дээр 10,000 ам.доллараар худалдаж эхэлжээ.
Хамгийн аймшигтай нь 15,000 доллар гээд биччихсэн байгаа дээрх тасалбар дээр "зарагдсан" гэдэг бичиг байна.
Мэдээж Марвел ертөнцийн улаан шүтэн бишрэгчид энэ өдрийг тэсэн ядан хүлээж байгаа. Гадаадад ийм юм болж байхад манайд харин ч тасалбарын дайн амар тайван болоод өнгөрчээ гэж харахаар байна.
Бүгдээрээ 15,000 долларын үнэ хүрэхүйц үзвэр дээрээ бөөнөөрөө уулзацгаая!
Эх сурвалж: People.com