Хүүхдээ онгоцны буудал дээр орхисноос болоод хэдийнэ хөөрсөн байсан онгоц эргэн газарджээ
Саудын Арабаас хөөрсөн нислэг нэгэн эмэгтэй хүүхдээ онгоцны буудлын хөөрөх хэсэг дээр орхисноос болоод эргэн газардсан байна.
"Бурхан бидэнтэй цуг байг. Бид буцаж болох уу?" хэмээн нисэгчийн ярьж байгаа хэсэг бичлэг дээр тод үлджээ. "Нислэгийн баг буцаад эргэх хүсэлт гаргалаа. Зорчигч бүсгүй хүлээлгийн танхимд хүүхдээ мартсан байна, хөөрхий амьтан" хэмээн нислэгийн хөдөлгөөний удирдлагаас ярьж байгааг нь мөн сонсож болно.
Нисэгчийг хэлсэн зүйлээ дахин хэлэхийг хүсэхэд "Зорчигч хүүхдээ онгоцны буудал дээр орхисон байна. Цааш нислэгийг үргэлжлүүлж чадахгүй нь" хэмээн хариулжээ.
Өмнө нь ийм төрлийн хэрэг огт гарч байгаагүй бөгөөд 2017 онд хүүхдээ нисэх онгоцны буудлын шалан дээр хэвтүүлчихсэн, утсаа оролдож буй эхийн зургаас үүдэн шуугиан гарч байсан юм.
Маш олон хүмүүсийн шүүмжлэлд өртсөнийхөө дараа зурган дээрх бүсгүй мэдэгдэл хийсэн бөгөөд "Би хүүхдээ маш олон цаг тэвэрч, өргөж явсан. Гар минь маш их ядарч байсан. Бас хүүхэд маань жаахан ч гэсэн чөлөөтэй байх хэрэгтэй байсан. Биднийг хаана яваад байгааг ч мэдэхгүй байгаа гэр бүлийнхэндээ би юу болж байгаа тухай бичих хэрэгтэй байсан юм" хэмээн ярьж байсан юм.