Хүүхэд бүр 10 мод тарьж байж сургуулиа төгсөх шинэ хуулийг Филиппинд санаачиллаа
Дэлхий дээр өнөөдөр залуу үеийнхэн, тэр дундаа балчир жаахан хүүхдүүд байгаль дэлхийн асуудалд илүүтэйгээр санаа зовж байгаа мэт танд санагддаг уу? Ирээдүй илүү сайхан байх мэт итгэл хүн болгонд төрдөг хэмээн найдаж байна. Харин Филиппин улсад залуус, хүүхдүүдийг байгальд илүү ээлтэй байлгах тал дээр олон зүйл хийж буйн нэг нь хэлэлцэх шатандaа яваа нэгэн шинэ хууль юм.
Тавдугаар сарын 15-нд Филиппиний Конгресс нэгэн шинэ хуулийг хэлэлцэж эхэлсэн нь сургуулиа төгсөх гэж буй хүүхэд болгон 10 мод тарих тухай хууль байсан юм.
Энэ хууль бага, дунд, ахлах анги болон их сургуулиуд дээр бүгдэд нь хэрэгжих аж.
Уг хуулийг санаачилсан хүнийг Гари Алехано гэдэг. Филиппиний Конгрессын гишүүн тэрбээр хүүхэд залуусыг байгаль орчноо хайрлах сэтгэлтэй болж, үүрэг хариуцлага хэмээн хүлээн авдаг байгаасай гэж хүсдэг нэгэн гэнэ.
Уг хуулийн ачаар нийт 175 сая мод ургамал шинээр тарих боломжтой болох юм. Мөн Гари Алеханогийн тооцоогоор бол тарьсан бүх модны ердөө 10 хувь нь цааш тэсч үлдээд ургалаа гэхэд л бүтэн нэг үеийнхний ачаар 525 сая мод ургамалтай болж үлдэх аж.
Энэ бол цор ганц сайхан мэдээ ч мөн биш юм. Энэтхэг улсад бага ангийн сурагчид сургалтын төлбөр гэж хичээлдээ ирэх болгондоо газар, гудамжинд хэвтэх цаасан, хуванцар хог хаягдлыг цуглуулж ирж байгаа бөгөөд энэ нь ил задгай болон хуванцар хог хаягдлыг багасгахад асар том нөлөө үзүүлэх юм.