Хувиараа таксинд явдаг иргэдийг ТОРГОХГҮЙ
Нийслэлийн тээврийн газраас хувиараа таксинд явж буй иргэнийг Зөрчлийн тухай хуулийн 14.6 дугаар зүйлийн 12 дахь хэсэгт "Тээвэрлэлтийн гэрээгүй нийтийн зорчигч тээврийн үйлчилгээ эрхэлсэн бол хүнийг нэг зуун нэгжтэй тэнцэх хэмжээний төгрөгөөр, хуулийн этгээдийг нэг мянган нэгжтэй тэнцэх хэмжээний төгрөгөөр торгоно" гэсэн заалтын дагуу 100,000 төгрөгөөр торгох ажил хийж эхэлснийг Засгийн газрын хуралдаанааж зогсоох шийдвэр гаргав.
Ерөнхий сайд У.Хүрэлсүх "Иргэдийн халаас руу гар дүрсэн байдлаар торгууль давамгай хэрэгжүүлэх нь буруу" гээд энэхүү торгох арга хэмжээг зогсоохыг Зам, тээврийн хөгжлийн сайдад үүрэг болгосон байна.